Чыгуначны раён — адзін з трох адміністрацыйных раёнаў Віцебска. Раён утвораны 19 ліпеня 1940 года паводле ўказа Прэзідыума Вярхоўнага Савета БССР у паўночна-заходняй частцы горада. Кіраўніцтва ажыццяўляе адміністрацыя Чыгуначнага раёна Віцебска, размешчаная па адрасе вуліца Касманаўтаў, 3а.
З 1 лістапада 2017 года да раёна далучаны гарадскія пасёлкі Руба і Вярхоўе. Насельніцтва станам на 2024 год складае звыш 50,5 тыс. чалавек.
На тэрыторыі раёна каля 7 500 прыватных домаўласніцтваў, звыш 480 шматпавярховых жылых дамоў. Маюцца 9 мікрараёнаў прыватнай жылой забудовы Біцялёва, Мішкава, Васькавічы, Ціраспаль, па вуліцах Ленінградскай і Цітова, пасёлкі Руба, Вярхоўе, Юр’ева горка.
На тэрыторыі раёна знаходзіцца больш з 280 вуліц і завулкаў, а таксама плошчы Перамогі, Тысячагоддзя, Прывакзальная.
Эканоміка Чыгуначны раён з’яўляецца прамысловым раёнам. Галіновая структура прамысловага комплексу раёна прадстаўлена арганізацыямі машынабудаўнічай і металаапрацоўчай галіны, харчовай і лёгкай прамысловасці, вытворцамі будаўнічых матэрыялаў, лясной і дрэваапрацоўчай прамысловасці.
На тэрыторыі раёна размешчаны такія прадпрыемствы як «Вістан», Віцебскі завод электравымяральных прыбораў, «Даламіт», Віцебскі лікёра-гарэлачны завод «Прыдзвінне», Віцебскі камбінат хлебапрадуктаў, «Віцебская лесапільня», «Ціраспальскі агратэхсервіс», Віцебскі карданажна-паліграфічны камбінат «Пакроўскі», Віцебская абласная друкарня, «Вітбудтэхмаш», «Элект», «Віцебскмясамалпрам», «Віцяблянка», Віцебскае племпрадпрыемства.
Працуюць гандлёвыя прадпрыемствы «Веста», «Ніка», «Віцебсккніга», Віцебскі ўнівермаг, бізнес-цэнтр «Марка-сіці».
На тэрыторыі раёна знаходзяцца чыгуначны вакзал і аўтавакзал, дзейнічаюць Віцебскае аддзяленне Беларускай чыгункі і Аўтатранспартнае прадпрыемства № 4.
Адукацыя На тэрыторыі раёна працуюць Віцебскі філіял Міжнароднага ўніверсітэта «МІПСА», Віцебскі філіял Беларускай дзяржаўнай акадэміі сувязі, Віцебскі дзяржаўны індустрыяльна-тэхналагічны каледж, гімназіі № 2 і № 4, 9 устаноў агульнай сярэдняй адукацыі, 20 устаноў дашкольнай адукацыі, Цэнтр развіцця дзіцяці № 4.
Медыцына Медыцынскія паслугі аказваюць гарадскія паліклінікі № 6 і № 7, абласны цэнтр хуткай медыцынскай дапамогі, абласны цэнтр медыка-сацыяльнай дапамогі.
Культура Дзейнічаюць культурна-спартыўны цэнтр Віцебскага аддзялення Беларускай чыгункі, палац культуры «Руба», культурна гістарычны комплекс «Залатое кальцо горада Віцебска «Дзвіна»», гарадскі цэнтр дадатковай адукацыі дзяцей і моладзі, абласны палац дзяцей і моладзі, Віцебская абласная бібліятэка імя У. І. Леніна, бібліятэкі-філіялы № 3 імя Я. Купалы і № 19 імя Е. Лось, дзіцячая бібліятэка-філіял № 12 імя М. Астроўскага.
Працуюць музей Марка Шагала, музей гісторыі Віцебскага народнага мастацкага вучылішча, а таксама 11 музеяў, створаных ва ўстановах адукацыі.
На тэрыторыі раёна знаходзяцца 69 помнікаў гісторыі і культуры, многія з іх уключаны ў гарадскія турысцка-экскурсійныя маршруты.
Спорт На тэрыторыі раёна размешчаны 176 спартыўных збудаванняў, сярод якіх 26 спартыўных зал, 78 прыстасаваных памяшканняў для заняткаў фізічнай культурай і спортам, 2 горналыжныя трасы (Руба), 3 стралковыя ціры, 27 міні-футбольныя палі, 20 баскетбольных пляцовак, 27 валейбольных пляцовак, 6 хакейных скрынак, 5 футбольных палёў, плавальных басейнаў, 6 міні-басейнаў.
СМІ На тэрыторыі раёна дзейнічаюць рэдакцыі віцебскіх гарадскіх газет «Віцьбічы», «Вячэрні Віцебск», «Віцебскія весці».
Рэлігія На тэрыторыі раёна дзейнічаюць 9 канфесій і веравызнанняў, у якія ўваходзяць 28 абшчын розных рэлігійных арганізацый: 16 праваслаўных, 1 стараверская, 1 рымска-каталіцкая, 1 грэка-каталіцкая, 2 евагелічна-лютэранская, 3 хрысціян веры Евангельскай, 2 хрысціян Поўнага Евангелля, 1 сведкаў Іеговы, 1 бахаяў.
Паркі Зялёнымі насаджэннямі занята 77,1 га раёна. У раёне размешчаны Парк культуры і адпачынку чыгуначнікаў, парк Пераможцаў, лесапарк «Юр’ева горка» і яго паўднёва-заходні працяг — зялёны масіў «Залатая гара», батанічны помнік прыроды мясцовага значэння «Рубаўскі», сквер Касманаўтаў.
Спасылкі Афіцыйны сайт
Катэгорыя:Раёны Віцебска