Рэйманд (Рэй) Уілсан (; , Шырбрук, Дэрбішыр, Англія — ) — англійскі футбаліст, левы абаронца. Чэмпіён свету 1966 у складзе нацыянальнай зборнай Англіі.
Клубная кар’ера У дарослым футболе дэбютаваў у 1952 годзе выступам за «Хадэрсфілд Таўн», у якім правёў 12 сезонаў, прыняўшы ўдзел у 266 матчах чэмпіянату. Большасць часу, праведзенага ў складзе «Хадэрсфілд Таўн», быў асноўным гульцом абароны каманды.
Сваёй гульнёй за гэту каманду прыцягнуў увагу прадстаўнікоў трэнерскага штабу клуба Эвертан», у склад якога далучыўся ў 1964 годзе. Згуляў за клуб з Ліверпула наступныя пяць сезонаў. Гуляючы ў складзе «Эвертана», таксама ў выходзіў на поле ў асноўным складзе каманды. За гэты час заваяваў тытул уладальніка Кубка Англіі.
У 1969—1970 гадах абараняў колеры каманды «Олдэм Атлетык».
Завяршыў прафесійную гульнявую кар’еру ў клубе ніжэйшай лігі «Брэдфард Сіці», за каманду якога выступаў у сезоне 1970/1971.
Выступы за зборную У 1960 годзе дэбютаваў у афіцыйных матчах у складзе нацыянальнай зборнай Англіі. На працягу кар’еры ў нацыянальнай камандзе, якая доўжылася 9 гадоў, правёў у форме галоўнай каманды краіны 63 матчы.
У складзе зборнай быў удзельнікам чэмпіянату свету 1962 года ў Чылі, чэмпіянату свету 1966 года ў Англіі, калі каманда стала чэмпіёнам, а ў 1968 годзе на чэмпіянаце Еўропы ў Італіі заваяваў бронзавую ўзнагароду.
Крыніцы
Літаратура Руднік В. Чэмпіёны свету па футболе 1930—2006. — Беласток:"Set-Print", 2006.
Катэгорыя:Футбалісты Англіі Катэгорыя:Ігракі зборнай Англіі па футболе Катэгорыя:Ігракі ФК Брэдфард Сіці Катэгорыя:Ігракі ФК Олдэм Атлетык Катэгорыя:Ігракі ФК Эвертан Катэгорыя:Ігракі ФК Хадэрсфілд Таўн Катэгорыя:Футбольныя трэнеры Англіі Катэгорыя:Трэнеры ФК Брэдфард Сіці Катэгорыя:Чэмпіёны свету па футболе Катэгорыя:Чэмпіянат свету па футболе 1966 Катэгорыя:Члены Залы славы англійскага футбола