БТР-60 — савецкі колавы бронетранспарцёр, распрацаваны на Горкаўскім аўтазаводзе.
У сярэдняй частцы корпуса знаходзілася дэсантнае аддзяленне, якое змяшчала 16 чалавек. Для вядзення агню з аўтаматаў у бартах машыны мелася 6 амбразур. Паміж падлогай дэсантнага аддзялення і дном машыны ўсталёўваліся агрэгаты трансмісіі. Адкрыты зверху корпус з’яўляўся апорным, меў абцякальную форму ніжняй часткі і дна і вырабляўся з катаных бранявых лістоў таўшчынёй 6—8 мм.
Колы першай і другой восяў былі кіраванымі. У падвесцы выкарыстоўваліся 8 тарсіённых валаў і 12 тэлескапічных гідраамартызатараў.
На кранштэйнах лабавога і бартавых лістоў корпуса ўсталёўваўся 7,62-мм кулямёт СГМБ, боекамплект якога складаў 1250 патронаў. БТР абсталёўваўся начнымі прыборамі кіроўцы ТВН-2 і камандзіра ТКН-1, радыёстанцыяй Р-113.
Поўная маса дасягала 9800 кг. На першых вопытных узорах выкарыстоўваўся рухавік ГАЗ-40П магутнасцю 90 к. с. У наступным ён заменены на дызель ЯАЗ-206Б (да 205 к. с.).
Мадыфікацыі БТР-60МБ1 — беларускі варыянт мадэрнізацыі.
Крыніцы
Спасылкі Апісанне
Катэгорыя:Бронетранспарцёры Катэгорыя:Бранятэхніка СССР Катэгорыя:Горкаўскі аўтамабільны завод