Інстытут мікрабіялогіі і вірусалогіі імя Д. К. Забалотнага НАН Украіны — навукова-даследчая ўстанова ў складзе Аддзялення біяхіміі, фізіялогіі і малекулярнай біялогіі Нацыянальнай акадэміі навук Украіны, займаецца навуковымі даследаваннямі ў галіне сістэматыкі, фізіялогіі, біяхіміі і генетыкі бактэрый, мікраскапічных грыбоў і вірусаў, мікробнай біятэхналогіі.
Гісторыя Заснаваны 31 мая 1928 года сусветна вядомым акадэмікам Д. К. Забалотным, які ў той час узначальваў Усеўкраінскую акадэмію навук. Назва інстытута ў той час гучала як Інстытут мікрабіялогіі і эпідэміялогіі Усеўкраінскай акадэміі навук. У 1930 годзе Інстытуту мікрабіялогіі і эпідэміялогіі было прысвоена імя акадэміка Д. К. Забалотнага.
З 1944 — Інстытут мікрабіялогіі імя Д. К. Забалотнага АН УССР.
У 1960 г. у інстытуце быў створаны аддзел вірусалогіі, а ў 1963 г. у яго склад увайшлі лабараторыя генетыкі Інстытута заалогіі АН УССР і лабараторыя хіміі нуклеінавых кіслот і хіміі бялку Інстытута арганічнай хіміі АН УССР, Інстытут быў перайменаваны ў Інстытут мікрабіялогіі і вірусалогіі імя Д. К. Забалотнага АН УССР.
У 1968 г. на базе Інстытута мікрабіялогіі і вірусалогіі быў створаны аддзел малекулярнай біялогіі і генетыкі, які пазней (1973 г.) стаў самастойным Інстытутам малекулярнай біялогіі і генетыкі НАН Украіны.
Структура Аддзел антыбіётыкаў Аддзел біялогіі экстрэмафільных мікраарганізмаў Аддзел біяхіміі мікраарганізмаў Аддзел агульнай і глебавай мікрабіялогіі Аддзел мікрабіялагічных працэсаў на цвёрдых паверхнях Аддзел малекулярнай генетыкі бактэрыяфагаў Аддзел праблем інтэрферону і імунамадулятараў Аддзел рэпрадукцыі вірусаў Аддзел фізіялогіі і сістэматыкі мікраміцэтаў Аддзел фізіялогіі прамысловых мікраарганізмаў Аддзел фітапатагенных бактэрый Лабараторыя біялагічных палімерных злучэнняў Лабараторыя вірусаў раслін Лабараторыя генетыкі мікраарганізмаў Лабараторыя інавацый і перадачы тэхналогій Лабараторыя біятэхналогіі мікробнага сінтэзу
Спасылкі Сайт інстытута
Катэгорыя:Нацыянальная акадэмія навук Украіны