Абрам Якаўлевіч Брын (, — , ) — беларускі трэнер па боксе, заслужаны трэнер Беларускай ССР (1968).
Біяграфія Нарадзіўся 12 чэрвеня 1918 года ў Віцебску.
Да Вялікай Айчыннай вайны выступаў у баксёрскіх спаборніцтвах, быў фіналістам чэмпіянату БССР (1937). Скончыў школу трэнераў (1938). З 1938 года — на трэнерскай працы ў прафсаюзным таварыстве «Тэмп» (Віцебск).
Падчас службы ў Чырвонай Арміі скончыў Валагодскую ваенную школу (аддзяленне разведкі). Удзельнік савецка-фінскай вайны і Вялікай Айчыннай вайны. Быў некалькі разоў паранены, у 1943 годзе стаў інвалідам.
У 1945 годзе ў родным Віцебску арганізаваў першую пасляваенную футбольную каманду «Дынама», а праз год — баксёрскую секцыю.
Сярод яго вучняў: Віль Ільчанка, сярэбраны прызёр чэмпіянату СССР (1961); Анатоль Хаценчык, сярэбраны прызёр I і II Спартакіяд народаў СССР (1956, 1959); Валерый Кандраценка, заслужаны трэнер СССР.
У 1978 годзе пасля сыходу на пенсію па яго прапанове ў Віцебску быў арганізаваны першы спартова-аздараўленчы клуб «Пальчаткі мужнасці». Апроч бокса ў клубе дзейнічалі секцыі настольнага тэніса, валейбола і фехтавання. У клубе Абрам Брын прапрацаваў практычна да канца жыцця.
Памёр 6 мая 2004 года ў Віцебску.
Узнагароды Ордэн Айчыннай вайны, медаль «За баявыя заслугі».
Ушанаванне памяці На доме па вуліцы Леніна, 59/11 у Віцебску, дзе Абрам Брын пражываў у 1977—2004 гадах, усталявана мемарыяльная дошкаМемориальные доски в честь известных людей Витебска.