Гета ў Малечы (лета — кастрычнік 1941) — яўрэйскае гета, месца прымусовага перасялення яўрэяў вёскі Малеч Бярозаўскага раёна Брэсцкай вобласці і бліжэйшых населеных пунктаў падчас Халакосту.
Гісторыя У чэрвені 1941 года вёска Малеч была захоплена нямецкімі войскамі. Неўзабаве пасля акупацыі немцы, рэалізуючы нацысцкую праграму знішчэння яўрэяў, арганізавалі ў мястэчку гетаI. Ehrenburg, V. Grossman. «The Complete Black Book of Russian Jewry» ISBN 0-7658-0069-1 p. 173А. Кенда. «Политика немецких властей в отношении еврейского населения в м. Малеч в июне — октябре 1941 г.» , журнал «Цайтшрифт», Минск-Вильнюс, 2013, том 8(3), стр. 44-52, ISSN 20299486.
Нацысты загадалі пазначыць габрэйскія дамы зоркай Давіда, а кожны габрэй быў абавязаны насіць на рукаве белыя стужкі 10 см шырынёй з жоўтай шасціканцовай зоркай.
Для кантролю выканання акупацыйных загадаў яўрэяў прымусілі арганізаваць юдэнрат.
Яўрэяў абкладалі паборамі і выкарыстоўвалі на прымусовых работах.
У кастрычніку (лістападзе) 1941 года немцы пачалі дэпартацыю малецкіх яўрэяў у Бярозу.
Напярэдадні высялення яўрэяў Малеча падзялілі. Бежанцаў з Беластока (каля 200 чалавек), з мястэчка Шарашова і іншых населеных пунктаў сабралі ў сінагозе. Мясцовых яўрэяў сагналі ў хрысціянскую школу на Пружанскай вуліцы, на краі мястэчка. Гэты падзел быў праведзены акупантамі, каб прадухіліць паніку і супраціў, так як сярод габрэяў-бежанцаў былі сведкі акцый.
На наступны дзень, у нядзелю, габрэяў калонай пагналі ў Бярозу. У гэты дзень былі высланы ўсе вязні гета, акрамя кузняцоў і яўрэяў, пакінутых жыць па-за гета ў суседніх вёсках. На наступны дзень усіх габрэяў-рамеснікаў і габрэяў, якія жылі па-за мястэчка, пад канвоем мясцовай паліцыі таксама адвялі ў Бярозу, дзе ўсе былі забітыя разам з іншымі вязнямі Бярозаўскага гета.
Памяць У Малечы на плошчы Свабоды ўсталяваны помнік усім мірным жыхарам вёскі (у тым ліку і габрэям), забітым нацыстамі падчас акупацыі ў 1941—1943 гадах. Памяці ахвярам генацыду яўрэяў каля помніка ўсталяваная асобная дошка.
Крыніцы
Літаратура
Малеч Катэгорыя:Гісторыя Бярозаўскага раёна Катэгорыя:Малеч