Ланды (фр. Landes) — дэпартамент на паўднёвым захадзе Францыі, адзін з дэпартаментаў рэгіёна Аквітанія. Парадкавы нумар 40. Адміністрацыйны цэнтр — Мон-дэ-Марсан. Насельніцтва 327,3 тыс. чалавек (68-е месца сярод дэпартаментаў, даныя 1999 г.).
Ланды — адзін з першых 83 дэпартаментаў, утвораных падчас Вялікай французскай рэвалюцыі ў сакавіку 1790 г. Паўстаў на тэрыторыі былых правінцый Гіень і Гасконь.
Плошча тэрыторыі 9243 км² — па гэтым паказчыку Ланды займаюць другое месца сярод кантынентальных дэпартаментаў краіны. У Ландах размешчаны адзін з самых буйных у Францыі лясных масіваў, які займае каля 67% тэрыторыі дэпартамента. Уваходзіць у склад аднайменнай прыроднай вобласці.
Дэпартамент уключае 2 акругі, 30 кантонаў і 331 камуну.
Спасылкі Сайт прэфектуры Ахоўваныя лясы пясчаных выдмаў