Валянцінс Скулмэ (, — ) — латвійскі тэатральны акцёр. Заслужаны артыст Латвійскай ССР (1971).
Біяграфія Нарадзіўся 21 красавіка 1922 года ў сям’і Карліса Скулмэ і Люцыі Юпэ. Бацькі памерлі рана, і хлопчыка ўзялі пад апеку дзядзькі з боку бацькі — вядомыя латвійскія мастакі Уга і Ота Скулмэ. Яны і прывялі Валянцінса ў Тэатр Дайлес, дзе абодва працавалі дэкаратарамі.
Пасля Другой сусветнай вайны скончыў драматычную студыю Дзяржаўнага мастацкага тэатра (1949), яго сувучнікамі былі Вія Артманэ, Харый Ліепіньш і Эдуардс Павулс. Пачынаючы з 1956 года — адзін з самых запатрабаваных акцёраў свайго тэатра. Сярод найбольш прыкметных работ — князь Мышкін у інсцэніроўцы рамана «Ідыёт» Ф. М. Дастаеўскага, кароль Рычард III у аднайменнай п’есе Уільяма Шэкспіра і Шэрлак Холмс у мюзікле Райманда Паулса.
Здымаўся ў кіно на розных кінастудыях, пік актыўнасці прыпаў на 1960-я і пачатак 1970-х.
Катэгорыя:Акцёры Латвіі