Алег Аляксандравіч Гарбуз

Алег Аляксандравіч Гарбуз (нар. , г. Мінск) — беларускі акцёр тэатра і кіно.

Біяграфія Нарадзіўся 21 верасня 1970 года ў Мінску. Пасля школы паступіў у політэхнічны тэхнікум, які скончыў з адзнакай; год працаваў у Акадэміі навук Рэспублікі Беларусь. Працягнуў навучанне на завочным аддзяленні Беларускага політэхнічнага інстытута, але праз паўгода вырашыў паступіць у Акадэмію мастацтваў.

У 1994 годзе скончыў тэатральны факультэт Беларускай дзяржаўнай акадэміі мастацтваў па спецыяльнасці «акцёр драматычнага тэатра і кіно» (курс заслужанага дзеяча мастацтваў БССР В. Я. Мазынскага). Пачынаў на сцэне Тэатра беларускай драматургіі «Вольная сцэна» (цяпер Рэспубліканскі тэатр беларускай драматургіі) у 1994—1997 гг.; у 1997 годзе запрошаны ў трупу Купалаўскага тэатра.

Пасля масавых фальсіфікацый на прэзідэнцкіх выбарах 2020 года, жорсткага разгону акцый пратэстаў, збіцця і катаванняў затрыманых пратэстоўцаў, калектыў Купалаўскага тэатра 13 жніўня 2020 года патрабаваў спыніць гвалт да мірных грамадзян і выступіў за пералік галасоў з удзелам незалежных назіральнікаў. 17 жніўня 2020 года ўладамі звольнены дырэктар тэатра Павел Латушка. 26 жніўня 2020 года Алег Гарбуз разам з большасцю трупы і іншымі супрацоўнікамі тэатра звольніўся ў знак пратэсту.Из Купаловского театра уволены 58 актеров и сотрудников .

У 2024 годзе выбраны ў Каардынацыйную раду 3-га склікання па спісе «Каманда Латушкі і Рух „За Свабоду“», які 3 мая 2024 года быў прызнаны КДБ Беларусі «экстрэмісцкім фарміраваннем».

Ролі ў тэатры Сярод роляў Гарбуза: Рычард («Рычард III» У. Шэкспіра), Макбет («Макбет» У. Шэкспіра) — перыяд «Вольнай сцэны»; нямецкі і польскі афіцэры, начальнік патруля («Тутэйшыя» Я. Купалы), Мікіта («Жаніцца — не журыцца», браты Далецкія і М. Чарота), Гамлет («Гамлет» У. Шэкспіра), Сяргей («Вечны Фама» У. Бутрамеева паводле Ф. Дастаеўскага), Караль Лятальскі («Ідылія» В. Дуніна-Марцінкевіча), Кудаш («Князь Вітаўт» А. Дударава), Дон («Тут жывуць людзі» А. Фугарда), Томас Рыла («Сон у летнюю ноч» У. Шэкспіра), Незнаёмец («Муж для паэтэсы» А. Паповай), Падхалюзін («Свае людзі — паладзім!» А. Астроўскага), Сэмуэл («Дзіўная місіс Сэвідж» Дж. Патрыка), Эрык («Эрык XIV» А. Стрындберга), Кароль («Снежная каралева» Я. Шварца), Адольф Быкоўскі («Паўлінка» Я. Купалы), Мотл («Памінальная малітва» Г. Горына), Чычыкаў («Чычыкаў» паводле М. Гогаля), Грынь Дубатоўк («Дзікая паляванне караля Стаха» У. Караткевіча), Мося («Маэстра» М. Ладо), Леблан («Вячэра з дурнем» Ф. Вебера), Юпітэр / Доктар («Выкраданне Еўропы, або Тэатр Уршулі Радзівіл» Ф. У. Радзівіл), выканаўца нумара «Фігара, Гвірцман, Рапапорт» («Местачковае кабарэ»), Марк («АРТ» Я. Рэза), Віктар Анатольевіч («Каханне як мілітарызм» П. Гладзіліна), Лашапелод («Школа падаткаплацельшчыкаў» Л. Вернэя і Ж. Бэра), Ален Рэй («Талерантнасць» Я. Рэза), Джордж Фрай, інспектар паліцыі («Вешальнікі» М. Мак-Донаха).

Фільмаграфія

2022 — «Абсурд» — роля не пазначана. 2021 — «Чорны сабака-2» — Рыгор Яхантаў. 2021 — «Акушэрка. Шчасце на заказ» — Аляксей, лекар хуткай дапамогі. 2020 — «Угрум-рака» — эпізод. 2020 — «Разбітае люстэрка» — пастаялец. 2020 — «Ні кроку назад-2. На лініі фронту» (Беларусь) — Рыгор. 2020 — «Успышка» — Аўдзееў. 2020 — «Агееў» — Кулікоў, следчы УУБ, маёр. 2019 — «Айчым» — лекар. 2019 — «Ідэальны шлюб» — гінеколаг. 2019 — «Дарагая сяброўка» — «прафесійны жабрак». 2019 — «Акушэрка. Новае жыццё» — Аляксей, санітар хуткай дапамогі. 2018 — «Тры ў адным-4» — Аляксандр Васільеў. 2018 — «Ой, мамачкі!-2» (Беларусь) — Мікіта, кіроўца Аляксандры. 2018 — «Рыбны дзень», 6-я серыя — роля не пазначана. 2018 — «Зламысніца» — Пётр, кавалер Рэгіны. 2018 — «Трымайся за аблокі» (Беларусь, Расія) — пасажыр. 2018 — «Вакальна-крымінальны ансамбль» — дырэктар Масканцэрта. 2018 — «Акварэлі» (Беларусь, Украіна) — лекар. 2017 — «Чорная кроў» (Беларусь, Расія, Украіна) — Сямён Карпаў. 2017 — «Колер спелай вішні» — Віктар Андрыянаў, адвакат. 2017 — «Ты мой свет» — Андрэй Дзямідаў. 2017 — «Снайпер. Афіцэр СМЕРШ» (Беларусь, Расія) — роля не пазначана. 2017 — «Сабака Руды» (Беларусь, Расія, ЗША) — роля не пазначана. 2017 — «На краі кахання» (Украіна) — лекар. 2017 — «Мне з вамі па дарозе» — Марат Альбертавіч, уладальнік крамы. 2017 — «Анёл-ахоўнік» — прадстаўнік Мінздароўя. 2016–2017 — «Мухтар. Новы след» — шэраг эпізадычных роляў (у т.л. Пагодзін — «Пейзаж у тумане», 23-я серыя; Бібікаў — «Гармонія па разліку», 80-я серыя). 2016 — «Прасцей простага» — Міхаіл Сцяпанавіч, айчым Надзі. 2016 — «Няўдачлівая» — Гена, сусед Ніны. 2016 — «Муж з дастаўкай на дом» — Кавалёў, маёр. 2016 — «Куды сыходзяць дажджы» — Філіп Рыгоравіч Уласьеў — галоўная роля (бацька Сашы). 2016 — «Куба» — Міхаіл Варанцоў, партнёр Малініна. 2016 — «Выйсці замуж за любую цану» — Сяргей Аляксандравіч, патолагаанатам. 2016 — «Сусветная змова» — Ігнат. 2015 — «Чорная павуціна» (Беларусь) — лекар. 2015 — «Смешнае жыццё» — Арцём, ахоўнік у супермаркеце. 2015 — «Пад знакам Месяца» — Юрый Вітальевіч Меркур’еў, прыёмны бацька Ларысы. 2015 — «Ніцая вярба» — Прохар, слуга. 2015 — «Адваротны бок Месяца-2» — Дзмітрый Аляксеевіч, палкоўнік АХР. 2015 — «Непадкупны» — Канстанцін Ілюшын, следчы пракуратуры. 2014 — «Знікаючая натура» — Віктар. 2014 — «Старэйшая дачка» — Леанід Якаўлевіч Абашкін, несапраўдны прадстаўнік нямецкай фірмы. 2014 — «Пакліч — і я прыйду» — Андрэй Вітальевіч, дырэктар крамы. 2014 — «Незвычайныя прыгоды Арбузіка і Бябешкі» (Беларусь, не завершана). 2014 — «Добрае імя» — Яўген, начальнік аховы (3-я серыя). 2014 — «Лекарка» — следчы. 2014 — «Замест яе» — Валянцін Віктаравіч Грушылін, старшы следчы АБЭП. 2013 — «Сляды апосталаў» (Беларусь) — Рыгор, дальні сваяк Аляўціны. 2013 — «Зямляк» — Мохаў, маёр паліцыі з раённага аддзялення. 2013 — «Жыццё рассудзіць» — Карым, дворнік. 2012–2013 — «Белыя ваўкі» — налётчык. 2012 — «Смерць шпіёнам. Ударная хваля» (Беларусь, Расія, Украіна) — Георг Бергольц, нямецкі прафесар-фізік. 2012 — «Сэрца — не камень» — Віктар Сямёнавіч, выкладчык. 2012 — «Псеўданім „Албанец“-4» — Сямёнаў. 2012 — «Дыван для самотнага мужчыны» — Гаўрылін, кіроўца. 2011 — «У ракі два берагі-2» — эпізод. 2011 — «Снайпер-2. Тунгус» — эпізод. 2011 — «Сляпое шчасце» — Нікіфараў. 2011 — «Рыжык у Залюстроўі» (Беларусь) — Клаўс. 2011 — «Пацалунак Сакрата» (Беларусь) — Юрый Багдановіч, лібрэтыст. (Плакучы анёл Шагала — фільм № 5, роля не пазначана). 2011 — «Панаехалі тут» — Ілья Барысавіч, чыноўнік. 2011 — «Не шкадую, не клічу, не плачу» — Пеця, селянін, сябр Гардзеева. 2011 — «Гэта жанчына да мяне» (Беларусь, Расія) — Аляксей. 2011 — «Апоўдні на прыстані» — Фёдар, дваюрадны брат Дашы. 2010 — «Я шчаслівая!» — Сяргей Палушкін. 2010 — «Ціхі вір» — Коля, муж Юлі. 2010 — «Масакра» (Беларусь) — пан Сокал. 2010 — «Каханне Надзеі» — эпізод. 2010 — «Іронія ўдачы» — роля не пазначана. 2010 — «Ажаніць мільянера!» — Ігар. 2009 — «Сёмін» — Пётр — галоўная роля (лепшы вучань і бліжэйшы саюзнік Сёміна). 2009 — «Камандзіроўка» — ахоўнік. 2009 — «Дастыш фантастыш» (Беларусь) — рыэлтар. 2008 — «Дарога, што вядзе да шчасця» — муж Жанны. 2007 — «Шчыт Айчыны» (Беларусь) — роля не пазначана. 2007 — «Пантэра» — эпізод. 2007 — «Тутэйшыя» (Беларусь, Польшча) — Генрых Мотавіч Спічыні. 2007 — «Дачка генерала» — Лабанідзэ. 2006 — «Чартар» — Юрый Баранаў. 2006 — «Супермаркет» — рэферэнт Моргуна. 2006 — «Пакой з відам на агні» — Юсупаў. 2005 — «Дзеці Ванюхіна» — эпізод. 2005 — «REPLAY, Сямён!» (кароткаметражны) — прафкамавец. 2004 — «Мужчыны не плачуць» — эпізод. 2004 — «Эрык XIV» (фільм-спектакль) — Эрык XIV — галоўная роля. 2003 — «Цёмны конік» — роля не пазначана. 2003 — «Кіднэпінг» (Расія, Беларусь) — Гоша. 2003 — «Герой нашага племені» — Слава («племя вожыкаў»). 2002 — «Восеньскі дэтэктыў» — Нікаля. 2000–2001 — «Паскорная дапамога-2» (Беларусь, Расія) — медбрат другой брыгады. 1999 — «Паскорная дапамога-1» (Беларусь, Расія) — медбрат другой брыгады. 1999 — «Пешка» (кароткаметражны). 1994 — «Кветкі правінцыі» (Беларусь) — роля не пазначана.

Агучка 2016–2020 — «Робікі» (анімацыйны) — агучванне. 2004 — «Восень. Мінск. Сар'ян» (дакументальны) — голас за кадрам.

Узнагароды Узнагароджаны медалём Францыска Скарыны (27 лютага 2020), медалём Францыска Скарыны ад Аб’яднанага пераходнага кабінета (7 жніўня 2025).

Крыніцы

Спасылкі Профіль на Кino-Teatr.ru Oleg Garbuz на IMDb

Катэгорыя:Акцёры тэатра Беларусі Катэгорыя:Кінаакцёры Беларусі Катэгорыя:Члены фракцыі Кааліцыя Латушкі і рух «За свабоду»