«Anna (Go to Him)» () — песня, напісаная і выкананая Артурам Александэрам (амерыканскі аўтар і выканаўца). Яго версія выйшла на аднайменным сінгле 17 верасня 1962 года. Песня асабліва праславілася дзякуючы кавер-версіі, якая выйшла на дэбютным альбоме гурта «The Beatles».
Песня Паводле Рычы Антэрбергера, музычнага аглядальніка сайта Allmusic,
Версія Александэра была выпушчана на аднайменным сінгле ў 1962 годзе, а таксама ўвайшла ў яго альбом «You Better Move On». У яго выкананні песня дасягнула 10 пазіцыі ў хіт-парадзе R&B Singles і 68-й пазіцыі ў хіт-парадзе Billboard Hot 100.
Нягледзячы на загаловак, у самім тэксце замест «go to him» прысутнічае «go with him» ().
Версія «Бітлз»
Песня вельмі падабалася Джону Ленану, таму ўвайшла ў ранні рэпертуар гурта і была адабрана для яго дэбютнага альбома. У ЗША песня была выпушчана на альбомах «Introducing… The Beatles» (10 студзеня 1964), «The Early Beatles» (22 сакавіка 1965), а таксама на міні-альбоме «Souvenir of Their Visit: The Beatles».
Гурт запісаў песню 11 лютага 1963 года за тры спробы; базавай версіяй стала трэцяя. Характэрную музычную фразу, якая ў арыгінале выконвалася на фартэпіяна, выконвае Джордж Харысан на гітары.
Антэрбергер добра ацаніў версію «The Beatles», адзначыўшы:
Музычны крытык Іэн Макдональд, аднак, меў іншае меркаванне адносна вакалу Ленана, заявіўшы, што ён гучыць як у «закаханага юнака, які ўзяўся за дарослую песню».
Гурт яшчэ двойчы запісваў гэтую песню для радыёшоў «Pop Go the Beatles» на BBC: 17 чэрвеня 1963 года (перадача выйшла ў эфір 25 чэрвеня) і 1 жніўня 1963 года (перадача выйшла ў эфір 25 жніўня).
1 лістапада 1963 песня была выпушчана ў складзе міні-альбома The Beatles (No. 1).
У запісе ўдзельнічалі: Джон Ленан — вакал, акустычная рытм-гітара Пол Мак-Картні — бэк-вакал, бас-гітара Джордж Харысан — бэк-вакал, сола-гітара Рынга Стар — ударныя
Крыніцы
Спасылкі
Катэгорыя:The Beatles