«Any Time at All» () — песня англійскага рок-гурта «The Beatles», напісаная Джонам Ленанам. Аўтарамі песні «Any Time at All» указаны Ленан/Мак-Картні, хаця асноўную частку песні напісаў Ленан. Упершыню песня выйшла на альбоме «A Hard Day's Night»Майлз, Б. «Пол Мак-Картні: шмат гадоў таму» (1997), с. 164..
Пра песню Праз напружаную працу, якая прыйшлася ў творчасці гурта на 1964 год, музыканты адчувалі вялікі недахоп у часе. Гурт пачаў запісваць гэтую песню, не даўшы Джону Ленану нават цалкам скончыць яеГісторыя стварэння песень для альбома «A Hard Day’s Night» на сайце beatlesclub. Пасля сёмай спробы запісаць песню ў студыі яны, нарэшце, усвядомілі, што занадта спяшаюцца, — падчас перапынку на гарбату Ленан дадаў у сярэдзіну гэтай даволі жорсткай рок-кампазіцыі лягчэйшы гітарны пройгрыш, і нумар быў запісаны ў той жа дзень.
У сваім інтэрв'ю часопісу «Playboy» 1980 года Ленан назваў песню «спробай напісаць песню It Won’t Be Long» (з альбома With The Beatles). «Песні аднапланавыя: ад до- да ля-мінор, ад ля- да до-мінор, і мой голас», — сказаў музыкант. Шэф, Д. «Усё, пра што мы гаворым: апошняе асноўнае інтэрв'ю з Джонам Ленанам і Ёка Она» (2000), с. 195..
Альберт Голдман згадвае песню «Any Time at All» у сваёй кнізе:
«Спробы Ленана насыціць буркаванне эстраднасці поп-музыкі шаленствам року дакладна заўважныя ў кампазіцыі „Any Time At All“, адной з самых трапяткіх рэчаў таго перыяду. Голас Ленана, які падтрымліваецца рэвальвернымі стрэламі барабанаў, вылятаў, быццам куля, зараджаная жарсцю рытуальных танцаў у водблісках агнёў, набліжаючы яго выкананне да манеры Літл Рычарда або Джэймса Браўна»Голдман, Р. А. «Жыццё Джона Ленана» (1988).
Запіс Песня не была завершана, калі Джон прынёс яе ў студыю «Эбі-Роўд» 2 чэрвеня 1964 годаФакты пра песню «Any Time at All» на сайце music-facts.ru. Тады Пол прапанаваў уставіць у кампазіцыю пераход, які ў асноўным складаецца з акордаў. Першапачаткова меркавалася, што на пераход будзе накладзена лірыка, але пры мікшыраванні вырашылі пакінуць усё як ёсць, у той версіі песні, якая ўвайшла ў арыгінал кружэлкі.
Цікавыя факты 8 красавіка 1988 года тэкст песні, напісаны Ленанам, быў прададзены ў Лондане на аўкцыёне «Сотбіс» за 6 000 фунтаў стэрлінгаў. Першапачатковы тэкст песні ўтрымліваў два радкі, якія не ўвайшлі ў канчатковы варыянт: «I’ll be waiting here all alone / Just like I’ve always done». Ленан выключыў іх, бо палічыў, што словы не спалучаюцца з асноўным сэнсам кампазіцыі.
Альбомы, у якія ўвайшла песня брытанскі EP-альбом — A Hard Day's Night амерыканскі LP альбом-кампіляцыя — Rock 'n' Roll Music амерыканскі LP альбом — Something New (Capitol Records)
Склад Джон Ленан — вакал, акустычная гітара Пол Мак-Картні — гарманічны вакал, бас-гітара Джордж Харысан — сола-гітара Рынга Стар — барабаны
Крыніцы
Спасылкі «Any Time At All» на сайце stevesbeatles.com «Any Time At All» на сайце songfacts.com
Катэгорыя:The Beatles