Аўрам Коэн Каліскер (1741, Калышкі – 9 студзеня 1810, Тыверыя) быў вядомым хасідскім рабінам з трэцяга пакалення хасідскіх лідэраў. Быў вучнем Доў Бера з Мяжэрыча.
Біяграфія Каліскер нарадзіўся ў 1741 годзе ў Калышках у сям'і Аляксандра. У маладосці вывучаў Тору ў Віленскага гаона, які пазней стаў лідарам мітнагдымаў — гэта значыць тых, хто выступаў супраць хасідскага іўдаізму .
Каліскер і яго паслядоўнікі падыходзілі да служэння Богу эмацыйна і містычна, у адрозненне ад фармалізму традыцыйных рэлігійных навукоўцаў, якія засяроджваліся на вывучэнні Талмуда. Пасля смерці ў 1772 годзе яго настаўніка, Дова Бера з Мяжэрыча, большая частка апазіцыі хасідызму была накіравана супраць Каліскера і яго вучняў.
У 1777 годзе, прыкладна ва ўзросце 36 гадоў, ён далучыўся да першай хасідскай аліі пад кіраўніцтвам Менахема Мендэля з Віцебска і эміграваў у Святую Зямлю. Лісты да іх паслядоўнікаў у Беларусі і Літве падпісаны абодвума рабінамі, прычым Аўрам часам дадае свае ўласныя словы. Калі Менахем Мендэль памёр у 1788 годзе, хасіды Тыберыяды, а таксама частка паслядоўнікаў ва Усходняй Еўропе, сталі лічыць Аўрама сваім лідарам.
Калі рабін Шнеер Залман з Лядаў апублікаваў свой містычны трактат «Tanya» ў 1796 годзе, Аўрам, які лічыў сябе старэйшым за Шнеера Залмана, асудзіў публікацыю кнігі. Ён асабліва крытычна паставіўся да выкладу містычных ідэй. Паміж двума сябрамі, якія былі вучнямі Магіда і Менахема Мендэля, узнікла жорсткая спрэчка. Яны так і не памірылісяEtkes, I. (2015). Rabbi Shneur Zalman of Liady : the origins of Chabad Hasidism (Y. J. Green, Tran.; 1st ed.). Brandeis.Polen, N., & Maayan, D. (2020). Theology, Succession, and Social Structure in the Dispute between Rabbi Avraham Kalisker and Rabbi Shneur Zalman. Shofar (West Lafayette, Ind.), 38(3), 217–241. https://doi.org/10.1353/sho.2020.0033.
Нягледзячы на тое, што становішча Аўрама ў іерархіі вучняў Магіда было вышэйшым, чым у Шнеера Залмана, абшчына Аўрама залежала ад ахвяраванняў усходнееўрапейскіх хасідаў, і Шнеер Залман быў адказны за збор гэтых сродкаў. Іх ідэалагічна-тэалагічная спрэчка паўплывала і на гэтае практычнае пытанне. Аўрам абвінаваціў Шнеура Залмана ў блакаванні ахвяраванняў, прызначаных для галілейскай абшчыны, і ў 1805 годзе прызначыў на яго месца Мардэхая з Ляхавічаў, каб той кантраляваў зборы.
Форма містыкі Аўраама была эзатэрычнай і надзвычай патрабавальнай. Скіраваная на нешматлікіх абраных, яна засяроджвалася на блізкасці і сузіранні і заклікала да стану пастаяннага devekuth, або еднасці з Богам. Згодна з гэтым прынцыпам, вернік, які разважае, не будзе перарывацца ў зносінах з БогамWeiss, J. G. (1955). R. Abraham Kalisker’s Concept of Communion with God and Men. Journal of Jewish Studies, 6(2), 87–99. https://doi.org/10.18647/181/JJS-1955.
Памёр у Тыверыі ў Асманскай імперыі (цяпер у Ізраілі ) 9 студзеня 1810 года.
Спасылкі Катэгорыя:Постаці Лёзненскага раёна Катэгорыя:Памерлі ў 1810 годзе Катэгорыя:Нарадзіліся ў 1741 годзе
Катэгорыя:Рабіны Беларусі Катэгорыя:Рабіны Катэгорыя:Яўрэі ў Беларусі