Міхаіл Уладзіміравіч Тарэлка () — беларускі філолаг і ўсходазнавец, кандыдат філалагічных навук, дацэнт; вядучы навуковы супрацоўнік сектара ўсходазнаўства аддзела славістыкі і тэорыі мовы Інстытута мовазнаўства імя Якуба Коласа (ДНУ «Цэнтр даследаванняў беларускай культуры, мовы і літаратуры НАН Беларусі»).
Біяграфія Нарадзіўся ў 1963 годзе ў Калодзішчах. У 1992 годзе скончыў Усходні факультэт Санкт-Пецярбургскага (Ленінградскага) універсітэта. У 2004 годзе абараніў дысертацыю на ступень кандыдата філалагічных навук.
Працаваў у Беларускім дзяржаўным універсітэце (да 2011 года), дзе выкладаў замежныя мовы. У далейшым працаваў у сістэме НАН Беларусі, у тым ліку як вядучы навуковы супрацоўнік сектара ўсходазнаўства Інстытута мовазнаўства імя Якуба Коласа. У бібліяграфічных запісах асобных выданняў сустракаецца форма імя Міхась.
9 лістапада 2020 года Nashaniva.com паведаміла, што Міхаіл Тарэлка быў затрыманы 8 лістапада 2020 года.
Навуковая дзейнасць Сфера навуковых інтарэсаў: семіталогія, цюркалогія, славістыка. Ад пачатку 2000-х гадоў галоўным кірункам яго даследаванняў стала вывучэнне рукапіснай спадчыны татараў (мусульман) былога Вялікага Княства Літоўскага.
Дзейнасць сектара ўсходазнаўства, у якім працуе Тарэлка, уключае пошук, даследаванне і каталагізацыю беларуска-татарскіх рукапісаў, а таксама філалагічнае і рэлігіязнаўчае даследаванне тэкстаў на арабскай, цюркскіх, персідскай, беларускай і польскай мовах у рукапісах татараў былога Вялікага Княства Літоўскага.
У 2019 годзе паведамлялася, што Тарэлка знаходзіўся ў службовай камандзіроўцы ў горадзе Гале (Германія) і працягваў даследаванне рукапісу беларуска-татарскага паходжання XVII стагоддзя (хамаіла), які захоўваецца ў фондах бібліятэкі Лейпцыгскага ўніверсітэта.
Выбраныя публікацыі Tarełko, M. A magical scroll from the Drower collection (DC21 Šapta d-pišra d-ainia «The scroll of the annihilation of the Eyes») // ARAM. 1999—2000. Рукапісы беларускіх татараў канца XVII — пачатку XX стагоддзя з калекцыі Цэнтральнай навуковай бібліятэкі Нацыянальнай акадэміі навук Беларусі (укладальнікі: І. А. Ганчарова, А. І. Цітавец, М. У. Тарэлка). Мінск, 2003. Тарэлка, М.; Сынкова, І. Адкуль пайшлі ідалы: помнік рэлігійна-палемічнай літаратуры з рукапіснай спадчыны татараў Вялікага Княства Літоўскага. Мінск, 2009. «Мова аднаго кітаба і старабеларуская кірылічная пісьмовая традыцыя» // Беларуская лінгвістыка. 2011. Вып. 66. «Арабская мова і арабская мовазнаўчая традыцыя ў беларускіх татараў» // Беларуская лінгвістыка. 2013. Вып. 70. «Фрагмент невядомага беларускататарскага рукапісу XVII стагоддзя» // Беларуская лінгвістыка. 2015. Вып. 74. «Лейпцыгскі канвалют ― беларускататарскі рукапіс XVII ст. (кадыкалагічнае апісанне)» // Здабыткі. 2016. Вып. 19. «Некаторыя асаблівасці графіка-арфаграфічнай сістэмы Мядзельскага хамаіла» // Беларуская лінгвістыка. 2018. Вып. 81. «Тафсір Нацыянальнай бібліятэкі Беларусі» // Берковские чтения. Книжная культура в контексте международных контактов, 2019 (Пінск, 29—30 мая 2019). «Канвалют Шэгідэвічаў» // Берковские чтения…, 2021 (Гродна, 26—27 мая 2021). «Палескі кітаб — загадка кітабістыкі» // Берковские чтения…, 2023 (Брэст, 24—25 мая 2023). «Выклад веры ісламскай у Кітабе Яна Радлінскага з Ашмянаў і Каран Яна Бучацкага 1858 г.» // Ашмяншчына: штодзённае жыццё жыхароў краю ў X—XXI стст. Мінск, 2024.
Крыніцы
Гл. таксама Беларускія татары Кітабы Беларускі арабскі алфавіт Вялікае Княства Літоўскае Інстытут мовазнаўства імя Якуба Коласа Мінскі тафсір
Спасылкі Профіль Міхаіла Тарэлкі на сайце Цэнтра даследаванняў беларускай культуры, мовы і літаратуры НАН Беларусі Бібліяграфія М. У. Тарэлкі у электронным каталогу Нацыянальнай бібліятэкі Беларусі
Катэгорыя:Філолагі Беларусі Катэгорыя:Усходазнаўцы Беларусі Катэгорыя:Кандыдаты філалагічных навук Катэгорыя:Супрацоўнікі Нацыянальнай акадэміі навук Беларусі Катэгорыя:Беларусісты