Ноччу 22 мая 2026 года ўкраінскія войскі нанеслі па Старабельску ў падкантрольнай Расіяй Луганскай вобласці Украіны ўдар беспілотнікамі. У прыватнасці, дроны атакавалі будынак вучэбнага корпусаria.ru і інтэрнат каледжа, што прывяло да гібелі людзей.
Абставіны Па інтэрнаце каледжа, размешчаным у Старабельску, ударылі дроны, якія разбурылі будынак. У выніку, па сцвярджэнні расійскіх уладаў, загінуў 21 чалавек і яшчэ 42 было паранена.
Расійскія ўлады сцвярджалі, што ў інтэрнаце на момант удару знаходзіліся 86 падлеткаў ва ўзросце ад 14 да 18 гадоў. У апублікаваным спісе загінулых — 18 дзяўчат ва ўзросце ад 18 да 23 гадоў і трое юнакоў ва ўзросце ад 20 гадоў да 21 года.
Генштаб УСУ заявіў, што ўкраінскія войскі наносілі ўдары толькі па ваенных аб’ектах: складах боепрыпасаў, сродках СПА, пунктах кіравання і штабу атрада БПЛА «Рубікон» у Старабельску.
Руслан Левіеў з расследавальнай групы Conflict Intelligence Team адзначыў, што згодна з апублікаванай інфармацыяй (некралогі загінулых, фота і відэа з месца падзей) можна сцвярджаць, што ўдар быў нанесены па будынку педагагічнага каледжа, якіх-небудзь прыкмет ваеннага аб’екта няма, а загінулыя і пацярпелыя з’яўляліся студэнтамі каледжа. Гібель студэнтаў у інтэрнаце пацвярджаецца і рэпартажам расійскага выдання «Коммерсантъ».
Выданне The Insider адзначыла, што па адным і тым жа адрасе размешчаны дзве розныя навучальныя ўстановы з асобнымі будынкамі, але без пазначэння нумароў карпусоў — педагагічны і прафесійны каледжы, — і абодва былі разбураныя. Выданне «Meduza» паказала на тое, што журналістаў, якіх расійскія ўлады прывезлі да месца ўдару, дапусцілі толькі да будынка педагагічнага каледжа. Усе загінулыя з апублікаванага спісу былі студэнтамі педагагічнага каледжа, аднак пра загінулых у прафесійным каледжы не заяўлялася, нягледзячы на тое, што ён таксама меў інтэрнат. Ва ўкраінскіх сацсетках распаўсюджвалася версія, што студэнты былі пераведзеныя на дыстанцыйнае навучанне, а ў будынку былі размешчаныя вайскоўцы. Расклад заняткаў на сайце прафесійнага каледжа быў пусты па меншай меры з лістапада 2025 года, а ў раздзеле «Дыстанцыйнае навучанне» размешчаны спасылкі на Zoom, аднак старонка прафесійнага каледжа у «Вконтакте» сведчыць аб працяглых афлайн-занятках.
Інстытут вывучэння вайны паказаў на тое, што Расея не дала неабвержных довадаў таго, што ўдар па Старабельску быў нанесены па выключна грамадзянскім аб’екце пры тым, што раней расійскія войскі ўжо практыкавалі размяшчэнне вайсковых аб’ектаў у грамадзянскіх пабудовах.
Рэакцыя Прэзідэнт Расіі Уладзімір Пуцін заявіў, што побач з месцам удару ніякіх ваенных аб’ектаў няма, у сувязі з чым удар не можа быць звязаны з працай расійскага СПА і РЭБ, і даручыў Міністэрству абароны РФ прадставіць свае прапановы як адказаць на гэтую атаку.
25 чэрвеня МЗС РФ заявіў, што ўдар УСУ па Старабельску «перапоўніў чашу цярпення», і УС РФ «прыступаюць да паслядоўнага нанясення сістэмных удараў» па прадпрыемствах украінскага ВПК у Кіеве, па цэнтрах прыняцця рашэнняў і камандных пунктах. МЗС РФ заклікаў замежных грамадзян, уключаючы персанал дыпламатычных місій і прадстаўніцтваў міжнародных арганізацый як мага хутчэй пакінуць горад, а жыхароў украінскай сталіцы — не набліжацца да аб’ектаў ваеннай і адміністрацыйнай інфраструктуры.
24 і 25 мая 2026 года былі аб’яўлены днямі жалобы ў Луганскай вобласці.
Расія склікала экстранную нараду Савета Бяспекі ААН, на якой сталы прадстаўнік РФ Васіль Нябензя заклікаў краіны Захаду асудзіць удар. Прадстаўнікі Вялікабрытаніі, Даніі і Латвіі заявілі, што звесткі пра ўдар па Старабельску, верагодна, з’яўляюцца дэзінфармацыяй, паколькі іх нельга незалежна пацвердзіць і верыфікаваць. Сталы прадстаўнік Украіны ў ААН Андрэй Мельнік назваў выступ Нябензі «чыстым прапагандысцкім шоу».
Спецпрадстаўнік ААН па пытанні аб дзецях і ўзброеных канфліктах Ванэса Фрэйзер заявіла, што ў ААН з занепакоенасцю сочаць за паведамленнямі аб удары. Яна адзначыла, што ААН не мае доступу да раёна і не можа пацвердзіць дэталі здарэння.
Крыніцы
Катэгорыя:Авіяўдары падчас уварвання Расіі ва Украіну (2022)Катэгорыя:Май 2026 годаКатэгорыя:Падзеі 22 маяКатэгорыя:2026 год у РасііКатэгорыя:2026 год ва УкраінеКатэгорыя:Гісторыя Луганскай вобласці