Царква Святога Сямейства (поўная назва: Збавіцельны храм Святой Сям’і, ) — царква ў Барселоне, у раёне Эшампле, якая будуецца на прыватныя ахвяраванні пачынаючы з 1882 года, знакаміты праект Антоніа Гаўдзі.
Гісторыя Першы праект быў распрацаваны архітэктарам Франсіска дэль Вільяр (). На яго месца ў канцы 1883 года быў запрошаны Антоніа Гаўдзі, які значна змяніў першапачатковы праект. Па рашэнні ініцыятараў фінансаванне работ па будаўніцтве павінна выконвацца выключна за кошт ахвяраванняў вернікаў, што з’яўляецца адной з прычын такога працяглага будаўніцтва.
На момант трагічнай смерці архітэктара ў 1926 годзе была ўзведзена толькі адна з 18 запланаваных вежаў. Падчас Грамадзянскай вайны ў Іспаніі ў 1930‑я гады каталонскія анархісты ўварваліся ў храм і падпалілі падземную крыпту. У агні загінулі ўнікальныя чарцяжы і гіпсавыя макеты Гаўдзі, што паставіла пад пагрозу ўвесь праект. Аднаўляць задуму майстра прыйшлося па крупінках дзесяцігоддзямі.
7 лістапада 2010 года храм быў асвячоны Папам Рымскім Бенедыктам XVI і быў афіцыйна аб’яўлены гатовым да штодзённых набажэнстваў.
Дзякуючы ўсталяванню ніжняга элемента крыжа вежы Хрыста, 30 кастрычніка 2025 года базіліка Саграда Фамілія стала самым высокім храмам у свеце, дасягнуўшы вышыні 162,9 метра і пераўзышоўшы Ульмскі саборapnews.com. Панэлі, з якіх складаецца ніжняя частка крыжа, прыбылі ў Барселону ў ліпені 2025 года, а затым былі размешчаны на платформе над цэнтральным нефам. Там былі праведзены зборачныя работы, устаноўлена шкляное пакрыццё, завершаны ўнутраныя работы, у тым ліку ўстаноўка каменных элементаўvaticannews.va.
20 лютага 2026 года храм дасягнуў сваёй праектнай вышыні — 172,5 метра. На вяршыні цэнтральнай вежы Ісуса Хрыста будаўнікі ўсталявалі апошні элемент гіганцкага крыжа. Пад’ём верхняй часткі 17‑метровага белага крыжа стаў сімвалам завяршэння вонкавых работ на комплексе з шасці цэнтральных вежаў. Сам крыж — гэта складаная інжынерная канструкцыя з сталі і шкла масай каля 100 тон і шырынёй 13,5 метра. Яго вырабілі ў Баварыі.
У сотую гадавіну смерці Антоніа Гаўдзі 10 чэрвеня 2026 года цэнтральная вежа храма Саграда Фамілія асвечана падчас урачыстай цырымоніі, якую ўзначаліў Папа Рымскі Леў XIV.
Крыніцы
Спасылкі
Катэгорыя:Храмы Барселоны Катэгорыя:Сусветная спадчына ў Іспаніі Катэгорыя:Музеі Барселоны Катэгорыя:Будынкі ў стылі мадэрн Катэгорыя:Будынкі Антоніа Гаўдзі Катэгорыя:Архітэктура Барселоны Б Катэгорыя:Малыя папскія базілікі Каталоніі