Мангун-Тайга, Мунгун-Тайга ( — Срэбраная гара) — горны масіў на тэрыторыі Мангун-Тайгінскага кажууна, у міжрэччы Мугура (з поўначы), Шара-харагай (з усходу і паўднёвага ўсходу) і Талайты (з захаду), на ўсходзе Алтая. Расійская частка Алтайскіх гор лічыцца часткай Заходняй Сібіры, але Мангун-Тайга ў 1932 годзе была перададзена (разам з поўначчу Убсунурскай катлавіны) са складу Манголіі ў склад Тувінскай Народнай Рэспублікі, а ў 1944 годзе (пасля ўваходжання Тувы ў Расію) стала разам з усёй Тувой лічыцца часткай Усходняй Сібіры.
Ля ўсходняга падножжа масіву ляжыць возера Хіндыктыг-Холь. Тут знаходзіцца найвышэйшы пункт Тывы і ўсёй Усходняй Сібіры — гара Мангун-Тайга (3970,5 м). Гісторыя ўзыходжанняў на гару пачалася ў 1946 годзе.
Масіў складзены крышталічнымі сланцамі і пясчанікамі, прарываецца ў цэнтры масіву інтрузіямі гранітаў. У высакагор’і — ледавікі агульнай плошчай каля 44 км².
Літаратура
Катэгорыя:Горныя хрыбты Расіі Катэгорыя:Геаграфія Тывы