Медаль «За ўзяцце Вены» — медаль, заснаваны Указам Прэзідыума ВС СССР ад 9 чэрвеня 1945 года ў гонар ўзяцця Вены ў ходзе Вялікай Айчыннай вайны.
Медалём «За ўзяцце Вены» узнагароджваюцца ваеннаслужачыя Чырвонай Арміі, Ваенна-Марскога Флота і войскаў НКУС — непасрэдныя ўдзельнікі штурму і ўзяцця Вены ў перыяд 16 сакавіка — 13 красавіка 1945 года, а таксама арганізатары і кіраўнікі баявых аперацый пры ўзяцці гэтага горада.
Медаль «За ўзяцце Вены» носiцца на левым боку грудзей i пры наяўнасцi iншых медалёў СССР размяшчаецца пасля медаля «За ўзяцце Кёнігсберга».
Па стане на 1 студзеня 1995 медалём «За ўзяцце Вены» ўзнагароджана прыблізна 277 380 чалавек.
Апісанне медаля Медаль «За ўзяцце Вены» вырабляецца з латуні і мае форму правільнага круга дыяметрам 32 мм. Аўтар праекта медалі — мастачка Зварыкина.
На вонкавым боку медаля: у цэнтры надпіс «За ўзяцце Вены», уверсе пяціканцовая зорачка, унізе лаўравая галінка. Бок медалі абрамлены борцікам.
На адваротным боку медаля дата ўзяцця Вены: «13 красавіка 1945 года», над датай пяціканцовая зорачка.
Усе надпісы і малюнкі на медалі выпуклыя.
Медаль пры дапамозе вушка i кольца злучаецца з пяцiвугольнай калодкай, абцягнутай блакітнай шаўковай муаравай стужкай шырынёй 24 мм. Пасярэдзіне стужкі сіняя палоска шырынёй 8 мм.
Спасылкі
Медаль «За ўзяцце Вены»
За ўзяцце Вены Катэгорыя:Вена