«Орша» — беларускі футбольны клуб з горада Орша, заснаваны ў 1951 годзе. Колеры — сіня-белыя. У цяперашні час выступае ў Першай лізе чэмпіянату Беларусі.
Адну з мянушак «раёншчыкі» клуб атрымаў з-за таго, што раней у горадзе адбываліся масавыя бойкі паміж жыхарамі розных раёнаў. Больш нейтральная мянушка — «ільняныя» — нарадзілася праз тое, што ў горадзе дзейнічае буйны ільнокамбінат.
Гісторыя Заснаваны ў 1951 годзе пад назвай «Труд». Найбольшы перыяд сваёй гісторыі выступаў пад назвай «Старт». Выступаў у чэмпіянаце БССР па футболе, пераважна ў вышэйшым дывізіёне. У 1971 годзе дайшоў да фіналу Кубка БССР, але прайграў жодзінскаму «Тарпеда». У тым жа годзе гуляў супраць ленінградскага «Дынама» ў 1/16 фіналу Кубка СССР сярод аматарскіх калектываў і выбіў сапернікаў з яго. Але ў 1/8 фіналу саступіў рыжскаму клубу ВЭФ 1:3.
У 1990-х клуб меў назву «Легмаш» (з 1997 мае сучасную назву), здолеў выйсці ў Другую лігу, дзе правёў некалькі сезонаў да 2001, калі з-за фінансавых праблем зняўся з чэмпіянату.
Праз тры гады клуб вярнуўся ў Другую лігу, але на гэты раз клуб здолеў толькі ў 2005 выйсці ў дывізіён вышэй, пасля чаго зноў апынуўся ў Другой лізе, дзе доўгі час знаходзіўся ў канцы табліцы.
У сярэдзіне сезона 2013 у клуб прыйшлі некалькі дасведчаных гульцоў, якія мелі досвед выступленняў у Вышэйшай лізе і ў замежных чэмпіянатах. У выніку гэта дазволіла «Оршы» ўзняцца на 6-ты радок. У сезоне 2014 каманда ўпэўнена правяла першы этап, дзе атрымала першае месца ў групе, не пацярпеўшы ніводнай паразы. У фінальным этапе «Орша» таксама спачатку ішла на першым месцы, але пазней шэраг няўдач адкінуў каманду на трэці радок. Толькі ў апошнім туры, дзякуючы нічыі з «Крумкачамі», «Орша» засталася на трэцім радку і атрымала месца ў Першай лізе. Станам на 2014 год «Орша» была самым папулярным клубам Другой лігі паводле глядацкага інтарэсу — гэта была адзіная каманда, што збірала ў сярэднім больш за 1000 чалавек на матчы.
У сезоне 2015 каманда ішла ўнізе турнірнай табліцы і заняла 14-е месца з 16. У сезоне 2016 быў павялічаны бюджэт клуба, дзякуючы чаму яго склад папоўніў шэраг вопытных ігракоў, а галоўным трэнерам быў прызначаны Юрый Канаплёў, які доўгі час працаваў з «Віцебскам». «Орша» здолела замацавацца ў сярэдзіне турнірнай табліцы і заняла 7-е месца з 14. У сезоне 2017, нягледзячы на добры пачатак, «Орша» хутка апынулася ў сярэдзіне турнірнай табліцы і заставалася там да канца сезона, заняўшы 10-е месца з 16.
У пачатку 2018 года новым галоўным трэнерам каманды стаў Вячаслаў Акшаеў. «Орша» добра распачала сезон, але потым стала цярпець паражэнне за паражэннем. У жніўні трэнерам замест Акшаева быў прызначаны Сяргей Вехцеў, істотна змяніўся склад каманды, які быў папоўнены віцебскімі ігракамі. Сезон каманда скончыла на 12-м месцы з 15. Вехцеў заставаўся трэнерам і ў сезоне 2019, калі «Орша» стала 10-й, а нападнік клуба Дзмітрый Іваноў з 17 галамі стаў другім бамбардзірам Першай лігі. У сезоне 2020 «Орша» адмовілася ад актыўнага супрацоўніцтва з «Віцебскам», больш запрашалі ігракоў з Магілёва і з Расіі. Галоўным трэнерам сезон пачынаў Аляксандр Вопсеў, у кастрычніку яго замяніў Мікалай Бранфілаў, аднак вынікі амаль не змяніліся — «Орша» амаль увесь сезон правяла ў сярэдзіне і ніжняй палове табліцы, скончыла турнір на 11 месцы.
У сезоне 2021, нягледзячы на істотную змену складу, клуб працягваў рабіць стаўку на вопытных ігракоў, падмацаваўшыся таксама шэрагам маладых выканаўцаў і расійскімі ігракамі. Па турнірнай дыстанцыі каманда ішла роўна, знаходзілася амаль увесь час трохі ніжэй сярэдзіны табліцы. У верасні 2021 года галоўны трэнер каманды Мікалай Бранфілаў пакінуў клуб, некаторы час абавязкі галоўнага трэнера выконваў яго памочнік Алег Чарапнёў, а ў кастрычніку новым трэнерам стаў Ігар Чумачэнка, які раней узначальваў магілёўскі «Дняпро». На гэты час каманда ўжо ўпэўнена замацавалася на 9-м месцы з 12, дзе і скончыла сезон.
У сезоне 2022 каманда працягвала знаходзіцца пераважна ў сярэдзіне табліцы. Выступала нестабільна, буйныя паражэнні змяняліся перамогамі над фаварытамі. Чэмпіянат «Орша» завяршыла на 9-м месцы з 13.
Сезон 2023 года «Орша» пачала і скончыла з серыі паражэнняў і ўвесь час знаходзілася ў другой палове табліцы. Чэмпіянат каманда завяршыла на 14-м месцы з 17.
Перад сезонам 2024 года каманда змяніла галоўнага трэнера. Ім стаў Мікалай Кітаёў, які пасля заканчэння мінулага сезона завяршыў гульнявую кар’еру. Склад каманды папоўнілі шэраг новых ігракоў з Расіі і Ізраіля. У першай палове сезона каманда выдала серыю з 10 гульняў без паражэнняў (5 перамог і 5 нічый), але ўжо ў другой палове каманда пачала вельмі не стабільна. У выніку «Орша» скончыла сезон у сярэдзіне табліцы заняўшы 10-е месца з 18.
Эмблемы
Папярэднія назвы 1951—1956: «Труд» 1956—1959: ЗШМ 1960—1965: «Машынабудаўнік» 1965—1989: «Старт» 1990—1994: «Легмаш» 1995: «Максім-Орша» 1996: «Максім-Легмаш» 1997—2005: «Орша» 2006: «Орша-Белаўтасервіс» з 2007: «Орша»
Дасягненні
БССР Фіналіст Кубка БССР: 1971 4-е месца ў чэмпіянаце БССР (1971) 4-разовы чэмпіён Віцебскай вобласці (1968, 1970, 1972, 1977). 4-разовы ўладальнік Кубка Віцебскай вобласці (1961, 1971, 1972, 1976). 7-разовы сярэбраны прызёр чэмпіянату Віцебскай вобласці (1973, 1980, 1982, 1983, 1984, 1989, 2002). 4-разовы бронзавы прызёр чэмпіянату Віцебскай вобласці (1966, 1974, 1975, 1979).
Рэспубліка Беларусь Пераможца Другой лігі чэмпіянату Беларусі у групе Б: 1995 Найлепшае дасягненне ў Першай лізе — 7 месца (2016)
Цяперашні склад Станам на жнівень 2024 года.
! colspan="9" bgcolor="#B0D3FB" align="left" | |----- bgcolor="#DFEDFD"
! colspan="9" bgcolor="#B0D3FB" align="left" | |----- bgcolor="#DFEDFD"
! colspan="9" bgcolor="#B0D3FB" align="left" | |----- bgcolor="#DFEDFD"
Трэнерскі штаб Мікалай Кітаёў (нар. 1984) — галоўны трэнер Вячаслаў Герашчанка (нар. 1972) — трэнер
Статыстыка выступленняў
Чэмпіянат і Кубак Беларусі СезонЛігаГалыАчкіКубакЗаўвагі 1992 Трэцяя (Д3) 6 15 7 3 5 19–20 17 1/16 фіналу 1992/93 Трэцяя (Д3) 4 30 15 8 7 46–29 38 1/16 фіналу 1993/94 Трэцяя (Д3) 6 34 16 8 10 49–40 40 1/16 фіналу 1994/95 Трэцяя — Б (Д3) 3 22 16 2 4 54–22 34 1/32 фіналу 1995 Трэцяя — Б (Д3) 1 12 8 3 1 21–10 27 Выхад у Другую лігу 1996 Другая (Д2) 8 24 10 2 12 33–45 32 1/16 фіналу 1997 Другая (Д2) 14 30 7 3 20 34–61 24 1998 Першая (Д2) 14 30 5 8 17 23–59 23 Змена назваў ліг 1999 Першая (Д2) 9 30 10 9 11 46–37 39 2000 Першая (Д2) 9 30 12 8 10 48–44 44 1/32 фіналу 2001 Першая (Д2) 12 28 9 1 18 40–74 28 1/32 фіналу Пераход на аматарскі ўзровень 2002—2003 Выступленне ў чэмпіянаце Віцебскай вобласці (Д4) 2004 Другая (Д3) 2 24 17 2 5 67–24 53 1/32 фіналу Выхад у Першую лігу 2005 Першая (Д2) 15 30 6 6 18 33–74 24 1/16 фіналу Вылет у Другую лігу 2006 Другая (Д3) 12 32 10 2 20 44–79 28 1/32 фіналу 2007 Другая (Д3) 13 30 7 4 19 34–63 25 1/32 фіналу 2008 Другая (Д3) 12 30 10 4 16 45–55 34 1/32 фіналу 2009 Другая (Д3) 14 26 3 6 17 17–53 15 1/32 фіналу 2010 Другая (Д3) 15 34 10 3 21 40–75 33 1/32 фіналу 2011 Другая (Д3) 15 30 6 3 21 31–86 21 1/32 фіналу 2012 Другая (Д3) 17 36 9 8 19 30–72 75 1/32 фіналу 2013 Другая (Д3) 6 24 10 5 9 41–25 35 1/32 фіналу 2014 Другая — А (Д3) 1 22 17 5 0 46–10 56 1/64 фіналу Выхад у фінальны этап Фінальны этап 3 14 7 6 1 25–12 27 Выхад у Першую лігу 2015 Першая (Д2) 14 30 3 8 19 24–70 17 1/16 фіналу 2016 Першая (Д2) 7 26 9 10 7 43–34 37 1/16 фіналу 2017 Першая (Д2) 10 30 10 7 13 48–48 37 1/8 фіналу 2018 Першая (Д2) 12 28 8 3 17 33–53 27 1/16 фіналу 2019 Першая (Д2) 10 28 9 4 15 33–61 31 1/32 фіналу 2020 Першая (Д2) 11 26 7 6 13 30–42 24 1/16 фіналу 2021 Першая (Д2) 9 33 9 7 17 41–60 34 1/16 фіналу 2022 Першая (Д2) 9 24 7 6 11 33–52 27 1/16 фіналу 2023 Першая (Д2) 14 32 8 7 17 50–62 31 1/32 фіналу 2024 Першая (Д2) 10 34 11 12 11 46-51 45 1/16 фіналу
Галоўныя трэнеры
Мікалай Камароўскі (1992—1994) Уладзімір Маргалкін (1994) Сяргей Шынкевіч (1995) Уладзімір Маргалкін (1995) Леанід Барэйша (1996—1998) Сяргей Шынкевіч (1998—2001) Сяргей Чарнышоў (2004—2006) Сяргей Ясінскі (2006, з ліпеня) Уладзімір Правалінскі (2007—2011) Аляксандр Ладзяны (2012—2015) Юрый Канаплёў (2016—2017) Вячаслаў Акшаеў (2018, да жніўня) Сяргей Вехцеў (жнівень 2018 — снежань 2019) Аляксандр Вопсеў (студзень — кастрычнік 2020) Мікалай Бранфілаў (кастрычнік 2020 — верасень 2021) Алег Чарапнёў ( у верасні — кастрычніку 2021) Ігар Чумачэнка (кастрычнік 2021 — снежань 2023) Мікалай Кітаёў (са снежня 2023)
Крыніцы
Спасылкі Старонка фанатаў у LiveJournal Агульная статыстыка ФК «Орша» ў чэмпіянатах Беларусі
Орша