Вярба плакучая, таксама ўжываецца вярба вавілонская () — дравяністая расліна, від роду сямейства .
Батанічнае апісанне
Вярба плакучая — дрэва вышынёй 10-12 м, ствол 50-60 см у дыяметры. Крона складаецца з доўгіх, тонкіх, павіслых да зямлі галін — голых, бліскучых, чырвонага або жаўтлява-зялёнага колеру.
Лісце даўгаватай або вузка-ланцэтнай формы, лязам выцягнутыя да верхавіны, паступова звужаецца да падставы; даўжыня 9-16 см, шырыня 1—2,5 см. Па краях залозіста-пільчатыя, зверху цёмназялёнага, знізу шыза- зялёнага колеру. Маладое лісце слаба опушанае, дарослае голае. Жылкі другога парадку тонкія, 15—30 штук, адыходзяць да вуглом 45-70°. Прылісткі коса-ланцетовіднай формы, зубчастай або шылападобнай формы; часам ператвараюцца ў калючкі. Хвосцік дасягае ў даўжыню 1 см, валасісты, даволі часта залозісты.
Тычынак дзве, яны свабодныя. Нектарнікаў два ў мужчынскіх кветках, і адзін у жаночых.
Сярожкі тонкія, з’яўляюцца альбо раней, альбо пазней лісця, размешчаны на скарочаных галінках, тонкацыліндрычныя. Кубачкі яйкападобна-ланцэтнай формы, колер жаўтлява-зялёны або бледна-палёвы, заўсёды аднастайны. Песцік патоўшчаны, жаўтлявага колеру, з 2—4 шырокімі лопасцямі.
Прыроднае распаўсюджванне і ўжыванне
Прыродная вобласць распаўсюду вярбы плакучай — Кітай. Завезена ў Афрыку, Паўночную Амерыку, Еўропу, Аўстралію.
Вярба плакучая — шырока распаўсюджаная дэкаратыўная расліна. Вылучаецца хуткім расам. Добра сябе адчувае на розных тыпах глебы. Эфектыўная ў адзіночных пасадках і ў невялікіх групах. Часцей за ўсё вярбу плакучую высаджваюць каля вадаёмаў і на газонах.
Спасылкі
Катэгорыя:Вярба Катэгорыя:Дэкаратыўныя дрэвы Катэгорыя:Флора Азіі Катэгорыя:Расліны, апісаныя ў 1753 годзе