«Вялікі тэатр — Нацыянальная опера» ( або Teatr Wielki w Warszawie, Вялікі тэатр у Варшаве) — нацыянальная тэатральна-оперны комплекс, размешчаны на гістарычнай Тэатральнай плошчы ў цэнтры Варшавы (Польшча). У Вялікім тэатры базуецца Польскі нацыянальны балет. З’яўляецца адной з найбуйнейшых тэатральных пляцовак у свеце, колькасць месцаў у якой перавышае 2 тысячы«The Grand Theater in Warsaw: one of the largest theatres in Europe and one of the biggest stages in the world». Communications Unlimited..

Тэатр быў урачыста адкрыты 24 лютага 1833 года пастаноўкай «Севільскі цырульнік» аўтарства Джаакіна Расіні. Акрамя таго, пад кіраўніцтвам Станіслава Манюшкі побач быў пабудаваны драўляны Летні тэатр на 1065 месцаў у Саксонскім садзе. Летнія спектаклі даваліся штогод з рэпертуараў Вялікага і Эстраднага тэатраў. Юзаф Шчублеўскі піша, што нават у той час, не зважаючы на тое, што Польшча не існавала як краіна і была падзелена паміж суседзямі, тэатр квітнеў, бо балет выклікаў захапленне замежных наведвальнікаў. У тэатры былі прадстаўлены оперы Уладзіслава Жаленскага, Ігнацы Яна Падарэўскага, Караля Шыманоўскага і іншых польскіх кампазітараў, а таксама балетныя пастаноўкі, выкананыя харэографамі Раманам Турчыновічам, Пётрам Зайлічам і Фелікс Парнелем. У той жа час у рэпертуары былі асноўныя сусветныя класічныя творы оперы і балету ў выкананні найбольш вядомых польскіх і замежных спевакоў і танцораў.

Арыгінальны будынак, пабудаваны ў 1825—1833 гадах, быў спраектаваны ў неакласічным стылі архітэктарамі Антоніа Караці і Крысціянам Пётрам Айгнерам. Пасля бамбардзіроўкі і амаль поўнага знішчэння будынка ў перыяд Другой сусветнай вайны ён быў адноўлены Багданам Пнеўскім і зноў адкрыты 19 лістапада 1965 года пасля перыяду пуставання на працягу больш за дваццаці гадоў. Тэатр мае дзве залы — вялікую на 1841 месца і малую — на 200 месцаў, у якой таксама праходзяць прадстаўленні. У залах тэатру ставяць оперы, балеты, праходзяць канцэрты і іншыя ўрачыстасці.

Спасылкі

Афіцыйны сайт

Катэгорыя:Тэатры паводле алфавіта Катэгорыя:З’явіліся ў 1833 годзе Катэгорыя:Тэатры Польшчы Катэгорыя:Культура Варшавы Катэгорыя:Славутасці Варшавы