Ко́ўчыцы 2. Сустракаецца таксама варыянт Ко́ўцічы 2 (, ) — вёска ў Светлагорскім раёне Гомельскай вобласці. Уваходзіць у склад Краснаўскага сельсавета.
У 1924—1954 гадах цэнтр Коўчыцкага сельсавета.
Гісторыя Вёска вядома ў пісьмовых крыніцах з XIX стагоддзя, у Брожскай воласці Бабруйскага павета. У 1847 заснавана яўрэйская земляробчая калонія. У 1919 годзе адкрыта школа.
З 20 жніўня 1924 года да 16 ліпеня 1954 цэнтр Коўчыцкага сельсавета Парыцкага, з 29 ліпеня 1961 Светлагорскага раёна. Да 26 ліпеня 1930 у Бабруйскай акрузе, з 20 лютага 1938 у Палескай, з 8 студзеня 1954 у Гомельскай вобласці.
У 1929 годзе арганізаваны калгас. У час Вялікай Айчыннай вайны нямецкія карнікі 19 студзеня 1942 забілі 318 жыхароў. У баях супраць акупантаў у снежні 1943 загінулі 190 савецкіх салдатаў 37-й гвардзейскай стралковай дывізіі і партызан атрада Кірава 37-й партызанскай брыгады імя Пархоменкі (пахаваны ў брацкай магіле на паўднёвым захадзе). У 1944 да вёскі далучаны Барані Рог і Прудзішчы. Па перапісе 1959 года тут размяшчаліся лясніцтва, шавецкая майстэрня, сярэдняя школа, Дом культуры, бібліятэка, фельчарска-акушэрскі пункт, аддзяленне сувязі, магазін, дзіцячы сад.
Геаграфія За 53 км на паўночны захад ад Светлагорска, 13 км ад чыгуначнай станцыі Мошны (на ветцы Бабруйск — Рабкор ад лініі Асіповічы — Жлобін), 163 км ад Гомеля.
Транспартная сетка Транспартныя зносіны па палявой, потым аўтамабільнай дарозе Бабруйск — Рэчыца. Планіроўка складаецца з дугападобнай вуліцы, да якой з поўдня далучаецца кароткая вуліца. Забудова двубаковая, пераважна драўляная, сядзібнага тыпу.
Насельніцтва
Колькасць 2021 год — 135 жыхароў
Дынаміка 1885 год — 24 двары, 448 жыхароў 1897 год — 544 жыхары (528 жыдоў) 1908 год — 96 двароў, 671 жыхар 1925 год — 118 двароў 1959 год — 459 жыхароў (па перапісе) 2004 год — 113 гаспадарак, 248 жыхароў 2021 год — 135 жыхароў
Вядомыя жыхары Шымен Алтшуль — яўрэйскі гісторык. Віктар Іванавіч Баранаў (нар. 1936) — беларускі мастак.
Славутасці Брацкая магіла Курганны могільнік перыяду ранняга Сярэднявечча
Крыніцы
Літаратура
Еврейская энциклопедия Брокгауза и Ефрона. Том 9.
Спасылкі
Катэгорыя:Краснаўскі сельсавет Катэгорыя:Населеныя пункты Светлагорскага раёна