Kepler-452 b — экзапланета на арбіце жоўтага карліка у сузор’і Лебедзя. Выяўлена касмічным тэлескопам «Кеплер». Пра адкрыццё было публічна абвешчана НАСА 23 ліпеня 2015 года. Гэта першая планета калязямнога памеру, выяўленая ў прыдатнай для жыцця зоне падобнай да Сонца зоркі спектральнага класа G2 . Зорка Kepler-452 знаходзіцца на адлегласці светлавых гадоў ад Сонечнай сістэмы.
Паводле індэксу падабенства Зямлі (ESI) Kepler-452 b саступае Kepler-438 b і знаходзіцца на шостым месцы.
Фізічныя характарыстыкі міні|злева|Дыяграма арбіты Kepler-452 b, а таксама Kepler-186 f і ўнутранай часткі Сонечнай сістэмы і іх адпаведныя меркаваныя зоны, прыдатныя для жыцця Перыяд абарачэння планеты Kepler-452 b роўны 384,84 зямных сутак. Kepler-452 b большая на 63 % і старэйшая на 1,5 млрд гадоў за Зямлю, але знаходзіцца на арбіце ва ўнутранай вобласці прыдатнай для жыцця зоны сваёй зоркі. Інсаляцыя, якая ствараецца бацькоўскай зоркай на планеце ў 1,1 разы перавышае інсаляцыю, якую стварае Сонца на Зямлі. Без уліку парніковага эфекту, сярэдняя паверхневая тэмпература ацэньваецца ў 265 K.
Маса Kepler-452 b невядомая. Яе памер занадта вялікі, каб як Зямля амаль цалкам складацца з цяжкіх элементаў, але з верагоднасцю ад 49 да 62 % яна можа быць галоўным чынам скалістай, аднак у гэтым выпадку вельмі малаверагодна, што яе металічнае ядро мае значную масу.
Спасылкі
Катэгорыя:Лебедзь (сузор’е)