Анры Рабер (-) — французскі парфумер.
Біяграфія Нарадзіўся ў Грасе. Сын Жазефа Рабера, вядомага французскага парфумера, які распрацаваў працэс экстракцыі лятучымі растваральнікамі і працаваў у парфумерным бізнесе братоў Масіньён, Анры Рабер нарадзіўся ў Грасе (Альпы Прыморскія) ў 1889 годзе. З самага ранняга ўзросту ён вучыўся парфумерыі, а яго сваякі тлумачылі Анры асновы прафесіі..
У 1918 годзе, у той час як ён рыхтаваўся да паступлення ў Цэнтральную Школу мастацтваў і мануфактур, ён атрымаў павестку ў армію. Вярнуўшыся ў Грас праз тры гады, ён вырашыў працаваць у парфумернай прамысловасці і стаў вучнем парфумера-хіміка ў Établissements Chiris. Ён даведваўся пра ўсё, што тычыцца стварэння, вытворчасці і выпуску парфумерыі і пазнаёміўся з Анры Алмерасам, «носам» Жана Пату. У 1921 годзе ён пазнаёміўся з Эрнэстам Бо, перайшоўшы ў лабараторыю Rallet.
Прыцягнуты чыстай творчасцю, ён адправіўся ў Парыж у 1924 годзе, каб развіваць свае творчыя таленты ў буйных парфумерных дамах, такіх як Arys і Fould-Springer. З 1926 па 1933 год ён зрабіў кар'еру парфумера-хіміка ў D'Orsay. Затым ён займаўся вытворчасцю мыла і касметыкі, каб развіваць свае навыкі.
Калі пачалася Другая сусветная Вайна, Рабера зноў мабілізавалі і ён павінен быў перапыніць сваю кар'еру да 1941 года, калі ён з'ехаў з Францыі ў Злучаныя Штаты, дзе працаваў у Coty як стваральнік духоў. У наступным годзе ён атрымаў свой першы вялікі поспех з Muguet des bois. У 1945 годзе, ён пакінуў дом Coty, каб стаць парфумерам-кансультантам. Яго пляменнік, Гай Рабер, стаў яго вучнем.
Вярнуўшыся ў Францыю ў 1952 годзе, ён быў наняты Les Parfums Chanel, каб стать паслядоўнікам Эрнэста Бо. Анры Рабер працаваў з Канстанцінам Вярыгіным, былым асістэнтам Эрнэста Бо. Ён стварыў Pour Monsieur у 1955 годзе і потым № 19}} у 1970 годзе. Ён стаў Рыцарам Ганаровага легіёна францыі ў 1964 годзе, а затым атрымаў прэмію Giuliana-Brambilla кампаніі Laserson & Sabetay у 1973 годзе. У 1977 годзе ён наняў маладога Франсуа Дэмашы.
Вядомыя араматы аўтарства Рабера
1925 — Le Dandy, Parfums D'Orsay 1936 — Le Muguet des Bois, Coty 1953 — Glamour, Bourjois 1951 — Ramage, Bourjois 1955 — Pour Monsieur, Chanel 1970 — No. 19, Chanel 1974 — ''Cristalle, Chanel
Спасылкі
Henri Robert, Souvenirs d'un parfumeur, Paris, 1977, 18 p.
Катэгорыя:Парфумеры