Трэш-метал — музычны напрамак у метале, які даў пачатак усім экстрэмальным яго разнавіднасцям. У цэлым трэш характарызуецца дастаткова высокай хуткасцю выканання, большай жорсткасцю прабіўных, хуткіх, выкананых у нізкім дыяпазоне частот рытмічных фігур (рыфаў) у параўнанні з класічным хэві-металам і агрэсіяй разам з тэхнічным, рэжучым, малоцячым, хуткасным стылем гітарных сола ў высокім дыяпазоне частот і басава-гітарным трэмала. Лініі вакалу нярэдка дысануюць з інструментальнай фактурай, хоць у цэлым вакальную манеру, няхай і досыць фарсіраваную і экспрэсіўную, ніяк нельга назваць антымузычнай. Тэксты песень часцяком маюць шмат крытыкі грамадскіх укладаў, якія часта звязаныя з рознымі праявамі сацыяльнай несправядлівасці.
Характарыстыка Характэрныя рысы - хуткі, імклівы тэмп выканання, хуткасныя нізкачастотныя гітарныя рыфы і высокачастотныя сола. Гітарныя рытм-партыі пры выкананні трэш-металу характарызуюцца прыглушэннем вібрацыі струн далонню (palm muting) і стаката пры моцна скажоным гуку.
Гармонія Тое ж самае можна сказаць і пра гармонію песень. Часцяком непадрыхтаванаму слухачу здаецца, што песня ўяўляе сабой нейкі хаатычны набор гукаў, хоць на справе гаворка ідзе пра даволі складаную пабудову кампазіцый, якія бяруць некаторыя элементы з такіх стыляў, як блюз і джаз. Вельмі часта выкарыстоўваюцца храматызмы, міксадыятоніка, змена не толькі гармоніі, але нават танальнасці і музычнага памеру ў адной песні.
Гітара Пры выкананні трэш-металу гітарныя сола ледзь ці не выключна гуляюцца толькі на высокай хуткасці, дзякуючы чаму яны і набываюць сваё адметнае гучанне. Пры выкананні сола музыкі часта выкарыстоўваюць такія тэхнікі гульні, як свіп, легата, пераменны штрых (па-англійску alternate picking), пропуск струн (па-англійску string skipping) і тэпінг дзвюма рукамі. З'яўленне сола-гітарыстаў, якія выконваюць трэш-метал, каранямі сыходзіць у эпоху NWOBHM.
Ударныя Хуткасць і суадносіны тэмпаў у песнях трэш-металу — гэта тое, што яго адрознівае ад іншых стыляў. Гучанне музыкі становіцца выбухным дзякуючы адметнаму стылю гульні ўдарных інструментаў. Як правіла, пры выкананні музыкі ў стылі трэш-метал удараецца малы барабан на кожную другую долю такту, часта выкарыстоўваецца double time (даслоўна двайны памер), калі гурт працягвае гуляць у тым жа тэмпе, што і раней, а ўдарнік — у 2 разы хутчэй (умоўна, усе чвэрці ператвараюцца ў восьмыя). Таксама распаўсюджаны апантаны, кулямётны стыль гульні на бас-бочцы. Трэш-ударнікі часта звяртаюцца да выкарыстання двух бас-бочак адначасова, або выкарыстоўваюць адну бас-бочку і так званы «кардан». Многія з іх прызнаныя як лепшыя ўдарнікі ў рок-музыцы — Дэйв Ламбарда (Slayer), Джын Хоглан (Dark Angel), Нік Менц (Megadeth), Ігар Кавалера (Sepultura) і Ларс Ульрых (Metallica).
Бас-гітара У сувязі з высокай хуткасцю выканання песень у трэш-метале многія бас-гітарысты звяртаюцца да выкарыстання плектраў (медыятараў) замест пальцаў, гэта значыць выкарыстоўваюць медыятарную тэхніку ігры, а не пальцавую, для атрымання больш выразнага і чытанага гуку. Аднак некаторыя выбітныя басісты — Кліф Бёртан і Роберт Трухільё (Metallica), Фрэнк Бэла (Anthrax), Грэг Крысціян і Стыў ДыДжорджыа (Testament) усё ж такі выконваюць свае партыі пальцамі.
Некаторыя бас-гітарысты для больш хуткага выканання выкарыстоўваюць безладовыя бас-гітары. Таксама выкарыстоўваецца пераабцяжаранае або дэфармаванае гучанне бас-гітары — падыход, папулярызаваны Кліфам Бертанам і Лэмі Кілмістэру (Motörhead).
Вакал Стылі выканання вакальных партый адрозніваюцца. Большасць вакалістаў звяртаюцца да скрыгочучага жалезам, рэзкага, раздражняльнага спосабу выканання, такія як Бобі Элсуорт (Overkill), некаторыя арыентуюцца ў сваёй творчасці на манеру спеваў, уласцівую поп-музыцы і панку, іншыя выконваюць свае партыі так, што гэта падобна проста на крыкі, а некаторыя нават выкарыстоўваюць гроўлінгавую тэхніку (Чак Білі пасля 1994, Макс Кавалера).
Тэматыка песень Тэматычны складнік тэкстаў песень у трэш-метале ўключае ў сябе гвалт, пытанні жыцця і смерці, рэлігію і грамадства, у прыватнасці, гэта вайна, бесчалавечныя зверскія пачуцці, схаваныя ў падсвядомасці, і ўяўленні пра будучы калапс чалавечай цывілізацыі (што часткова пераклікаецца з ідэямі панка). Таксама некаторыя выканаўцы трэш-металу пішуць тэксты пад уражаннем літаратурных твораў (напрыклад, некаторыя песні Metallica напісаны пад уражаннем твораў Говарда Лаўкрафта і Кена Кізі). У супрацьлегласць іншым экстрэмальным напрамкам у музыцы, трэш-метал часта звяртаецца да станоўчых сацыяльных з'яў, да прыкладу тэма энвайранменталізма прасочвалася ў творчасці груп Evildead, Nuclear Assault і многіх іншых.
Вытворныя жанры У трэш-метале вылучыліся такія падстылі, як тэхна-трэш (Mekong Delta, Annihilator), красовер-трэш (DRI), груў-метал (Pantera, Lamb of God), брутальны трэш-метал (Vulcano, Possessed), меладычны трэш-метал (Sanctity).
Трэш-метал, у якім прысутнічаюць элементы панка ў большай колькасці, чым у класічным трэш-метале, носіць назву красовер-трэш, або для сцісласці красовер. Агульнае гучанне дадзенага жанру паддаецца большаму ўплыву панка, чым класічны трэш-метал і змяшчае ў сабе больш метал-элементаў, чым традыцыйны хардкор-панк і трэшкор. Красовер часта агрэсіўней і хутчэй традыцыйнага панка з прычыны большага ўплыву трэш-металу на яго гучанне. Піянерамі гэтага жанру былі Nuclear Assault, Dirty Rotten Imbeciles, Stormtroopers of Death, Suicidal Tendencies, Cryptic Slaughter, SSD, DYS, Cro-Mags і Septic Death.
Красовер аб'яднаў у сабе больш павольныя трэшовыя рыфы і разрыўныя гітарных рыфы, які звычайна сустракаюцца ў хардкоры, і спрыяў з'яўленню яшчэ двух вытворных жанраў - такіх, як груў-метал (часам сустракаецца назва пост-трэш) і металкор. Першы жанр адрозніваецца больш цяжкай цёмнай эстэтыкай метала, уключаючы гітарныя сола, уплывам класічнай музыкі, блюзавымі каранямі традыцыйнага металу, і стаіць бліжэй да традыцыйнага трэшу. Другі жанр адлюстроўвае больш эстэтыкі хардкор-панка, у ім часта адсутнічаюць гітарныя сола, аддаецца перавага рытм-секцыі.
Найбольш значныя альбомы Па версіі часопіса Classic Rock: Metallica — Kill 'em All (1983) Slayer — Reign in Blood (1986) Megadeth — Peace Sells… But Who's Buying? (1986) Anthrax — Spreading the Disease (1985) Testament — The Legacy (1987) Dark Angel — Darkness Descends (1986) Exodus — Bonded by Blood (1985) Sepultura — Beneath The Remains (1989) Destruction — Eternal Devastation (1986)
Па версіі сайта Allmusic.com: Anthrax — Among the Living (1987) Flotsam and Jetsam — Doomsday for the Deceiver (1986) Metallica — Kill 'em All (1983) Metal Church — Metal Church (1985) Annihilator — Never, Neverland (1990) Megadeth — Peace Sells… But Who's Buying? (1986) Kreator — Pleasure to Kill (1986) Slayer — Reign in Blood (1986) Metallica — Ride the Lightning (1984) Slayer — Seasons in the Abyss (1990) Anthrax — Spreading the Disease (1985) Testament — The Legacy (1987) Overkill — Horrorscope (1991) Sodom — Persecution Mania (1987) Megadeth — Rust in Peace (1990)
Па версіі часопіса Metal Hammer: Slayer — Reign in Blood (1986) Exodus — Bonded by Blood (1985) Megadeth — Peace Sells… But Who's Buying? (1986) Machine Head — Burn My Eyes (1994) Metallica — Kill 'em All (1983) Anthrax — Among the Living (1987) Slayer — Seasons in the Abyss (1990) Trivium — Ascendancy (альбом) (2005) Testament — The Legacy (1987) Megadeth — Rust in Peace (1990)
Рэгіёны распаўсюду Як і для многіх іншых музычных напрамкаў, для трэш-металу таксама можна вылучыць асобныя рэгіёны распаўсюджвання дадзенага стылю, дзе яго гучанне набывае асаблівыя, уласцівыя толькі гэтаму рэгіёну рысы. Чатыры найбольш вядомых рэгіёну наступныя:
Раён заліваў Сан-Францыска і Тампа (Bay Area thrash metal) Metallica Megadeth Slayer Testament Possessed Attitude Adjustment Blind Illusion Dark Angel Death Angel Defiance Deliverance Epidemic Exodus Forbidden Heathen Imperium Lääz Rockit Sadus Vengeance Rising Vio-lence DeathbloW
Усходняе ўзбярэжжа ЗША (Нью-Ёрк і Нью-Джэрсі) Anthrax Nuclear Assault Overkill Whiplash Fantom Warior Carnivore S.O.D. M.O.D. Cro-Mags
Германія Kreator Sodom Destruction Vendetta Holy Moses Mekong Delta Coroner Tankard Darkness Assassin Living Death Sacred Chao Poltergeist Carrion Deathrow Exumer Iron Angel Dew-Scented Protector Grinder
Бразілія З Белу-Арызонці Sepultura Chakal Holocausto Mutilator Sarcófago Sextrash The Mist Witchhamer
Сан-Паулу Anthares Atomica Blasthrash Bywar Executer Korzus Lobotomia MX Ratos de Porão Scars Torture Squad Vulcano
Рыа-дэ-Жанэйра Politricks Farscape Sodomizer Apokalyptic Raids Atomic Roar Diabolic Force Flageladör Hellkommander
Катэгорыя:Жанры металу