A gliceraldehido-3-fosfato deshidroxenase espermatoxénicaOMIM GAPDHS ou gliceraldehido-3-fosfato deshidroxenase específica de testículo (abreviada como GAPDHS ou GAPDH2) é un encima que nos humanos está codificado polo xene GAPDHS do cromosoma 19 humano, que se expresa de xeito específico nas células espermatoxénicas dos testículos fundamentalmente, e é distinto do encima glicolítico similar atopado nas células somáticas.
Este encima da familia das gliceraldehido-3-fosfato deshidroxenases xoga un importante papel no metabolismo. Como o seu encima similar das células somáticas, este encima específico do esperma funciona dependendo da nicotinamida adenina dinucleótido para quitar hidróxeno e engadir fosfato ao gliceraldehido 3-fosfato para formar así 1,3-bisfosfoglicerato. Durante a espermatoxénese, este encima pode ter un importante papel na regulación do cambio entre diferentes vías metabólicas produtoras de enerxía, e é necesario para a motilidade dos espermatozoides e a fertilidade masculina.
Notas
Véxase tamén Outros artigos GAPDH de células somáticas
Bibliografía
Categoría:Oxidorredutases Categoría:Glicólise