A morea branca africana,Lahuerta e Vázquez (2000), p. 103) Cynoponticus ferox Costa, 1846, é unha especie de peixe da orde dos angüiliformes e familia dos murenesócidos.Cynoponticus ferox Costa, 1846 no WoRMS.Cynoponticus ferox Costa, 1846 en FishBase
Características Moi semellante a primeira vista ao congro. A súa lonxitude pode chagar até os 2 m como máximo, aínda que os que se apañan na pesca adoitan medir 1,5 m por termo medio. A cabeza é grande e ancha, e a boca moi ampla, chegando bastante máis atrás que o ollo, tamén grande e está cuberto pola pel. O dentame é moi forte, con dentes caniformes ben visíbeis. As aletas pectorais están ben desenvolvidas. A aleta dorsal ten a súa orixe á altura das aberturas branquiais e é moito máis longa que a aleta anal, que se insire na metade do corpo.
A coloración do peixe vivo é pardsa avermellada no dorsos, co ventre e os flancos de cor gris escura. As aletas pectorais son negras, e as outras aletas están orladas desa cor. Despois de morto adquire unha cor gris uniforme no dorso e branca no ventre, moi semellante á do congro.
Hábitat e distribución Encóntrase nas costas sobre fondos de area e lama, desde os 10 m. Os exemplares máis grandes captúranse principalmente a profundidades de entre 75 e 100 m.
Distribúese polo Atlántico occidental, desde o estreito de Xibraltar ao golfo de Guinea, onde é moi abundante (de aí o epíteto que se lle aplica en varios idiomas: da Guinea), e polo Mediterráneo occidental.
Alimentación Depredador, aliméntase principalmente de pequenos peixes e crustáceos.
Pesca Péscase con palangre, aínda que de forma ocasional. A súa carne é saborosa, pero ten moitas espiñas.
Notas
Véxase tamén
Bibliografía Lahuerta Mouriño, F. e Vázquez Álvarez, F. X. (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8. McCosker, John F., Paxton, J. R. & Eschmeyer, W. N., eds. (1998): Encyclopedia of Fishes. San Diego, EE.UU.: Academic Press. ISBN 0-12-547665-5. Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7. Smith, D. G. (1990): "Congridae", p. 156-167, en: Quero, J. C., J. C. Hureau, C. Karrer, A. Post & L. Saldanha (eds.) Check-list of the fishes of the eastern tropical Atlantic (CLOFETA). Lisboa: JNICT / París: SEI / París: UNESCO. Vol. 1.
Outros artigos Angüiliformes Murenesócidos Cynoponticus
Ligazóns externas Cynoponticus ferox Costa, 1846 en FishBase.
Categoría:Angüiliformes