A Sociedad Hijos de Silleda foi unha sociedade de emigrantes galegos do concello de Silleda na Arxentina, fundada en 1908. Historia e características Fundada en 1908 por Victoriano Souto, Antonio Carballo e Antón Alonso Ríos, creou tres escolas noutras tantas parroquias do concello: no ano 1917 inaugurouse a Escola Rosalía de Castro no lugar de Freixeiro (Laro); posteriormente, abriu a Escola Bernardino Rivadavia na Penadauga (Escuadro), e por último a Escola Francisco Giner de los Ríos no Marco (Siador). Foi unha das sociedades promotoras en 1921 da Federación de Sociedades Gallegas Agrarias y Culturales.
O 15 de agosto de 1933 celebrouse na serra do Candán unha festa para conmemorar o XXV aniversario da sociedade, organizado pola corporación municipal de Silleda, a delegación de Hijos de Silleda e as sociedades agrarias do concello. No acto participaron Ramón de Valenzuela, Ramón Suárez Picallo, Eduardo Blanco Amor e Antón Alonso Ríos.
No ano 2009 o goberno municipal de Silleda cambiou a denominación do tramo final da rúa Arxentina por rúa Sociedad Hijos de Silleda.
Notas
Véxase tamén Ligazóns externas Homenaxe aos emigrados: A festa do Candán artigo de Manuel Igrexas.
Categoría:Sociedades de emigrantes Categoría:Silleda