Sun Kil Moon é unha banda estadounidense de folk rock procedente de San Francisco, California, e fundada no ano 2002. Inicialmente foi unha continuación do desaparecido grupo de indie rock Red House Painters, pero na actualidade é o principal proxecto do vocalista e guitarrista Mark Kozelek. A banda chámase así polo boxeador de pesos lixeiros coreano Sung-Kil Moon.
Tras a atrasada edición do derradeiro álbum de estudio de Red House Painters, Old Ramon (2001), Kozelek comezou a gravar material novo baixo o nome de Sun Kil Moon cos compañeiros de anda Jerry Vessel (baixo) e Anthony Koutsos (batería). O álbum resultante, Ghosts of the Great Highway, foi publicado en 2003 co recoñecemento xeneralizado da crítica. O segundo traballo do proxecto, Tiny Cities (2005), estaba composto enteiramente por versións de Modest Mouse.
No ano 2008 a anda lanzou o seu terceiro álbum de estudio, April. Gravado como un trío, co baixista Geoff Stanfield uníndose a Kozelek e Koutsos, o disco foi ben recibido e contou cos vocalistas da escena indie Will Oldham e Ben Gibbard.
Inspirado pola música de guitarra clásica, Kozelek gravou en solitario o cuarto álbum da banda, Admiral Fell Promises (2010), e continuou gravando só a meirande parte do seguinte, Among the Leaves (2012). En 2013 Kozelek editou tres discos co seu propio nome antes de lanzar o sexto disco de Sun Kil Moon, Benji, aparecido en febreiro de 2014 coa aclamacion da meirande parte da crítica e incrementando a súa exposición co sétimo traballo da banda, Universal Themes, aparecido en 2015.
Discografía Álbum Ano Selo Ghosts of the Great Highway 2003 Jetset Records, Caldo Verde Records Tiny Cities 2005 Caldo Verde Records April 2008 Caldo Verde Records Admiral Fell Promises 2010 Caldo Verde Records Among the Leaves 2012 Caldo Verde Records Benji 2014 Caldo Verde Records Universal Themes 2015 Caldo Verde Records Common as Light and Love Are Red Valleys of Blood 2017 Caldo Verde Records Welcome to Sparks, Nevada 2020 Caldo Verde Records Lunch in the Park 2021 Caldo Verde Records Quiet Beach House Nights 2023 Caldo Verde Records All the Artists 2025 Caldo Verde Records
Colaboracións con Jesu Álbum Ano Selo Jesu/Sun Kil Moon 2016 Caldo Verde, Rough Trade 30 Seconds to the Decline of Planet Earth 2017 Caldo Verde
Véxase tamén Ligazóns externas Páxina oficial
Categoría:Grupos musicais de San Francisco Categoría:Grupos musicais de folk rock Categoría:Grupos musicais de indie folk Categoría:Grupos musicais de rock alternativo Categoría:Grupos musicais formados en 2002 Categoría:Artistas de Caldo Verde Records