miniatura|Catro amigos dándose unha aperta. A amizade (do latín amicîtas, por amicitîa, de amicus, amigo, que deriva de amare, amar) é unha relación afectiva entre dúas ou máis persoas. A amizade é unha das relacións máis comúns que acostuman ter as persoas na vida. Esta prodúcese en diferentes etapas da vida e en distintos graos de importancia.
Por outra parte Philia (do grego φιλία, Phil-, Philo-) é un antigo termo grego para referirse ao amor fraterno, incluíndo amizade e afecto. Foi definida tamén como a intención de promover o ben común cando se traballa en conxunto con outros. miniatura|Clásicos en Galego 14. Cicerón: Sobre a vellez e Sobre a amizade.
Cultura popular As relacións de amizade foron narradas, tanto no mundo da literatura como no do cine e televisión. Na literatura personaxes coñecidos como Don Quixote e Sancho Panza, Sherlock Holmes e Watson, Os tres mosqueteiros. Na televisión e no cine, O gordo e o fraco, Os tres chifados ou Friends.
Filosofía Aristóteles no seu escrito Ética a Nicómaco, dedicou dous libros a falar da amizade, o libro VIII e o libro IX. Nestes libros danse exemplos de philia que inclúen: amantes mozos, amigos de toda a vida, cidadáns, contactos políticos ou de negocios, pais e fillos, compañeiros de viaxe e soldados, membros da mesma sociedade relixiosa, do mesmo club, da mesma tribo, ou dun obreiro e quen usa os seus servizos.
Tipos de amizade Diferéncianse algúns tipos de philia, como por exemplo: Amizade baseada nas vantaxes mutuas. Amizade baseada no pracer mutuo. Amizade baseada na admiración mutua.
Psicoloxía Na psicoloxía, a filia é un cultismo do grego: de amizade. As filias son atraccións cara determinadas persoas, realidades ou situacións. Significan o contrario das fobias que fan referencia o medo.
Véxase tamén
Outros artigos Sobre a amizade Amizade por correspondencia
Categoría:Psicoloxía social Categoría:Relacións interpersoais Categoría:Virtudes