Os dinocariotas (Dinokaryota) é a clase (ou superclase) principal dos dinoflaxelados. Neles inclúense todas as especies nas que o núcleo permanece como dinocarion durante todo o seu ciclo vital, o cal está tipicamente dominado polo estadio haploide. Todos os dinoflaxelados "típicos", como Peridinium e Gymnodinium, pertence a este grupo. Outros son máis infrecuentes, como algúns que son coloniais, ameboides, ou parasitos. O xénero Symbiodinium comprende as zooxantelas simbióticas.
Os membros non fotosintéticos do grupo crese que derivan de devanceiros fotosintéticos.
O outro grupo de dinoflaxelados alternativo aos Dinokaryota son os Syndiniales, que carecen de dinocarion.
Clasificación Os dinoflaxelados poden clasificarse pola súa morfoloxía en dous grupos:
Con teca As especies con teca poden dividirse en catro ordes, baseándonos na disposición das placas das súas armaduras:
Peridiniales - por exemplo, Peridinium Gonyaulacales - por exemplo, Ceratium, Gonyaulax Dinophysiales - por exemplo, Dinophysis Prorocentrales - por exemplo, Prorocentrum
Os Peridiniales son probablemente parafiléticos con respecto aos outros, e nas árbores de ARNr están mesturados coas especies que carecen de teca. As outras tres ordes son probablemente monofiléticas, e Dinophysiales e Prorocentrales están moi emparentados entre eles, e comparten a presenza dunha sutura saxital que divide a teca en dúas.
Porén, nas árbores de ARNr a posición de Prorocentrales é tamén controvertida.
Sen teca Os grupos de dinoflaxelados sen teca son grupos artificiais, e a maioría polifiléticos. Moitos dos xéneros, como Gymnodinium e Amphidinium, son tamén polifiléticos. Porén, algúns poden ser grupos practicamente monofiléticos, como Suessiales, e outros non foron estudados filoxeneticamente.
Gymnodiniales - por exemplo Gymnodinium, Amphidinium Ptychodiscales Suessiales - por exemplo Symbiodinium Desmocapsales Phytodiniales (inclúe Dinococcales, Dinotrichales) - por exemplo Dinamoeba, Pfiesteria Thoracosphaerales
Blastodiniales Hai tamén un grupo de dinoflaxelados parasitos denominado Blastodiniales que non teñen dinocarions durante o seu estado trófico. Debido a isto, foron tratados como unha clase separada denominada Blastodiniphyceae, pero algúns deles ou todos puideron terse orixinado dentro das Dinophyceae.
Notas
Categoría:Dinoflaxelados