Eusébio Oscar Scheid, S.C.I., nado en Luzerna (Santa Catarina) o 8 de decembro de 1932, morto en São José dos Campos (São Paulo) o 13 de xaneiro de 2021 foi un eclesiástico católico latino brasileiro, cardeal e arcebispo metropolitano de Río de Xaneiro entre 2001 e 2009.
Traxectoria O 3 de xullo de 1960 foi ordenado sacerdote da congregación dos Sacerdotes do Sagrado Corazón de Xesús polo tamén dehoniano Inácio João Dal Monte, bispo de Guaxupé.
O 11 de febreiro de 1981 foi nomeado bispo de São José dos Campos. Recibiu a consagración episcopal o 1 de maio de mans do nuncio apostólico Carmine Rocco, e tivo como co-consagradores principais ao arcebispo coadxutor de Aparecida Geraldo María de Morais e ao bispo de Lages Honorato Piazera.
O 23 de xaneiro de 1991 o papa Xoán Paulo II nomeouno arcebispo de Florianópolis. O mesmo papa nomeuno o 25 de xullo de 2001 arcebispo do Río de Xaneiro, e o 3 de outubro ordinario para os fieis de rito oriental do Brasil. No consistorio do 21 de outubro de 2003 o papa creouno cardeal, co título de Cardeal-Presbítero de Santi Bonifacio ed Alessio.
Retirouse como arcebispo do Río de Xaneiro o 27 de febreiro de 2009, e como ordinario para os fieis de rito oriental o 28 de xullo de 2010.
Morreu o 13 de xaneiro de 2021 en São José dos Campos vítima do COVID-19.Morre o Cardeal Eusébio Oscar Scheid, Vatican News
Notas
Véxase tamén Ligazóns externas Perfil na web do Vaticano . Perfil en Catholic-Hierarchy.org .
Categoría:Nados en 1932 Categoría:Nados no estado de Santa Catarina Categoría:Relixiosos católicos do Brasil Categoría:Dehonianos Categoría:Bispos da Igrexa católica latina Categoría:Bispos católicos do Brasil Categoría:Cardeais creados por Xoán Paulo II Categoría:Cardeais do Brasil