Bernd Schneider, nado en Sankt Ingbert o 20 de xullo do 1964, é un expiloto de coches alemán. Correu na Fórmula 1 e no DTM. No DTM conseguiu 5 campionatos (1997, 2000, 2001, 2003 e 2006) e 2 subcampionatos (1996 e 2002), polo que é o piloto máis laureado da competicións de turismos alemá. Ademais, tamén foi campión do Campionato FIA GT en 1997, das 24 Horas de Spa en 1989 e 2013, das 24 Horas de Nürburgring en 2013, das 24 Horas de Dubai en 2013, das 12 Horas de Bathrust en 2013 e das 12 Horas do Golfo no ano 2013, tamén. Bernd Schneider sempre estivo vinculado á marca Mercedes-Benz.
Traxectoria Xuventude Bernd comezou no karting sendo moi novo. Despois duns anos, o alemán fíxose con varios títulos coma o Campionato Europeo de Karting do ano 1982.
Monoprazas Máis tarde, no ano 1986, chegou á Fórmula 3 alemá, título que gañou no ano seguinte. Estes resultados chamaron a atención de moitos xefes, e en 1989, Schneider debutou na Fórmula 1 co equipo Zakspeed.
DTM Na tempada 1992, Schneider debutou no DTM. Ese ano finalizou terceiro, ao igual que no ano seguinte. Nos anos 1997, 2000, 2001, 2003 e 2006, Bernd Shneider conseguiu o título do DTM mentres que en 1996 e 2002 logrou o subtítulo.
Resistencia Bernd disputou durante moitos anos da súa carreira as 24 Horas de Le Mans. Pero o seu ano cumio neste tipo de carreiras foi o 2013. Nese ano, Bernd Schneider conseguiu as 24 Horas de Spa, as 24 Horas de Nürburgring, as 24 Horas de Dubai, as 12 Horas de Bathrust e as 12 Horas do Golfo.
Títulos 5 do DTM. 1997, 2000, 2001, 2003 e 2006 2 das 24 Horas de Spa. 1989 e 2013 1 da FIA GT. 1997 1 das 12 Horas do Golfo. 2013 1 das 12 Horas de Bathrust. 2013 1 das 24 Horas de Nürburgring. 2013 1 das 24 Horas de Dubai. 2013 1 da Fórmula 3 alemá. 1987 1 do Campionato Europeo de Karting. 1982
Véxase tamén Ligazóns externas Información sobre Bernd
Categoría:DTM