Para o político republicano fusilado en 1936, véxase Pepe Miñones. José Manuel Miñones Conde, nado en Santiago de Compostela o 17 de xullo de 1972, é un profesor universitario e político galego do PSdeG, ministro de Sanidade do goberno de España dende o 28 de marzo de 2023 ata o 20 de novembro de 2023. Previamente, foi alcalde de Ames, entre 2015 e 2021, cargo que abandonou cando foi nomeado delegado do goberno de España en Galicia entre o 31 de marzo de 2021 e o 27 de marzo de 2023.
Traxectoria
Primeiros anos e formación Fillo de José Miñones Trillo e de María Mercedes Conde Mouzo. O seu tío avó foi un popular empresario republicano coruñés José Miñones, fusilado polos sublevados ao comezo da Guerra civil. Estudou Farmacia na Universidade de Santiago de Compostela e licenciouse en 1997. Doutor desde o ano 2001 con Premio extraordinario, foi bolseiro na Universidade de Sevilla e na de Santiago. É profesor de Fisicoquímica na facultade de Farmacia da USC e investigador e participaba no Programa Isidro Parga Pondal.
Política Comezou na política en Ames, onde residía dende 1999, como vicepresidente dunha asociación de veciños e, onde chamou a atención do alcalde socialista que o incluíu na candidatura no 2007 como independente. Aos poucos, en 2009, trala dimisión doutro concelleiro, entrou no goberno municipal como foi concelleiro de Reforma Administrativa, Calidade da Administración, Novas Tecnoloxías e Sanidade.
Nas municipais de 2011 volveu ser elixido concelleiro e desde o 2012 foi portavoz do Grupo Municipal Socialista liderando a oposición ao alcalde do Partido Popular, xa como como militante socialista. Nas municipais de 2015 encabezou a candidatura do PSdeG á alcaldía de Ames, obtendo 4 concelleiros, pero foi elixido alcalde cos votos dos catro concelleiros de Ames Novo, dos tres de Contigo Pódese e os dous do BNG.El socialista José Miñones, nuevo alcalde de Ames. www.lavozdegalicia.es, 13/06/2015 Nas eleccións municipais de 2019 foi escollido de novo alcalde de Ames.
Miñones renunciou á alcaldía o 29 de marzo de 2021 ao darse a coñecer que sería nomeado Delegado do Goberno en Galicia no consello de ministros do día seguinte, relevando a Javier Losada de Azpiazu.
O 27 de marzo de 2023, como consecuencia dunha remodelación do goberno, Pedro Sánchez nomeouno Ministro de Sanidade.
Notas
Véxase tamén
Outros artigos Lista de deputados galegos no Congreso desde a Transición
Ligazóns externas Sitio web de José Miñones en Internet Archive
Categoría:Alcaldes de Ames Categoría:Alcaldes de Galicia polo PSdeG-PSOE Categoría:Alcaldes de Galicia durante a democracia Categoría:Nados en Santiago de Compostela Categoría:Nados en 1972 Categoría:Alumnos da Universidade de Santiago de Compostela Categoría:Profesores da Universidade de Santiago de Compostela Categoría:Ministros de Sanidade de España Categoría:Deputados no Congreso dos Deputados (XV Lexislatura) Categoría:Deputados no Congreso dos Deputados pola provincia da Coruña Categoría:Delegados do goberno en Galicia