O diaño de Tasmania (Sarcophilus harrisii) é un marsupial carnívoro que actualmente só se atopa en estado salvaxe no estado insular australiano de Tasmania. O diaño de Tasmania é o único membro vivente do xénero Sarcophilus. Co tamaño dun can pequeno, pero robusto e musculado, o diaño de Tasmania é actualmente o meirande marsupial carnívoro do mundo, despois da extinción do tigre de Tasmania en 1936. Caracterízase pola súa pelaxe negra, o fedor que emite cando se pon nervioso e a súa ferocidade cando se alimenta. Sábese que caza presas pero que tamén que se alimenta de prea. Malia que adoita ser solitario, tamén se alimenta en grupos.
O diaño de Tasmania foi extirpado do continente australiano uns 400 anos antes da colonización europea en 1788. Como eran vistos como unha ameaza para o gando, foron cazados até 1941, cando foron protexidos oficialmente. Dende finais da década de 1990, o cancro facial do diaño de Tasmania reduciu a poboación de diaños significativamente e, actualmente, ameaza a supervivencia da especie, que en maio de 2009 foi declarada ameazada. O goberno de Tasmania emprendeu programas para reducir o impacto da enfermidade.
Notas
Véxase tamén Outros artigos Cancro facial do diaño de Tasmania
Ligazóns externas Parks and Wildlife Tasmania - Tasmanian Devil vocalizacións, filmacións e FAQs Save the Tasmanian Devil Mainland Tasmanian Devils Contagious cancer: The evolution of a killer . A historia da DFTD, por David Quammen
Categoría:Animais descritos en 1841 Categoría:Marsupiais