San Lourenzo de Ouzande é unha parroquia que se localiza no concello da Estrada. Segundo o IGE en 2009 tiña 361 habitantes (182 mulleres e 179 homes), distribuídos en 6 entidades, o que supón unha diminución respecto de 1986 cando tiña 521 habitantes. En 1842 tiña unha poboación de feito de 223 persoas.
Xeografía A parroquia de Ouzande limita ao norte coa Estrada, ao sur coa Somoza, ao leste con Guimarei e, ao oeste, con Arcos de Furcos (Cuntis) e A Somoza.
Patrimonio Igrexa de San Lourenzo de Ouzande, construída no século XII, a nave foi reedificada en 1781 desaparecendo a portada románica e a traza inicial desta parte da igrexa. Conserva do románico a ábsida semicircular cunha variada colección de canzorros. No testeiro da nave destaca sobre a ábsida outra fiestra en saeta e enriba como antefixa un Agnus Dei cunha cruz de oito puntas sobre o lombo.
Galería de imaxes
Lugares e parroquias Lugares de Ouzande
Parroquias da Estrada
Notas
Véxase tamén
Bibliografía
Outros artigos Lugares da Estrada
Categoría:Parroquias da Estrada Categoría:Parroquias de Galicia baixo a advocación de san Lourenzo