Carlos Montero Castiñeira, nado en Celanova en 1972, é un escritor e guionista galego en lingua castelá.
Traxectoria Montero licenciouse en Ciencias da Información na Universidade Complutense de Madrid, e ao pouco comezou a traballar como guionista para o cinema e a televisión a comezos da década dos 2000. Foi coguionista de series de televisión españolas moi populares, como El Comisario ou Al salir de clase, e creador doutro título importante, Física o Química, do que ademais foi guionista. Tamén adaptou novelas e outras pezas narrativas para a televisión, coma El tiempo entre costuras.
Xa en 2012 publicou a súa primeira novela, Los tatuajes no se borran con láser, e catro anos máis tarde gañou un dos premios literarios máis importantes para as novelas en lingua castelá, o Premio Primavera, que está dotado con 100.000 euros. O premio obtívoo por El desorden que dejas, unha novela ambientada na vila ficticia galega de Novariz.
Obra Televisión Al salir de clase (155 episodios, entre 1997 e 1999) El comisario (22 epidodios entre 2000 e 2004) Maneras de sobrevivir (creador e guionista dos 5 episodios, en 2005) Génesis, en la mente del asesino (creador e guionista dos 7 episodios, entre 2006 e 2007) Física o Química (creador e guionista en todos os episodios, de 2008 a 2011) El tiempo entre costuras, adaptación á televisión da novela de María Dueñas, tres episodios de 2013. Vive cantando (creador e guionista dos 6 episodios, entre 2013 e 2014) Hánsel y Gretel, episodio da serie Cuéntame un cuento (2014) Apaches (2015) A desorde que deixas. Netflix (2020) Élite: historias breves - creador e guionista. (2021) Feria: la luz más oscura - creador e produtor (2023) Todas las veces que nos enamoramos - creador, coguionista e coprodutor executivo. (2023)
Cinema 1993: En casa de Diego - director 1995: David - director 2003: La vida aquí - guionista 2010: Dinero fácil - director, guionista e produtor 2011: Dieciséis - director 2013: Combustión - coguionista 2013: Boys on Film 9: Youth in trouble - director 2016: No culpes al karma de lo que te pasa por gilipollas - coguionista 2019: Gente que viene y bah - coguionista
Narrativa 2012, Los tatuajes no se borran con láser. 2016, El desorden que dejas.
Galardóns Premio Primavera de novela, 2016, con El desorden que dejas.
Notas
Véxase tamén Ligazóns externas
Categoría:Escritores de Galicia Categoría:Escritores de Galicia en lingua castelá Categoría:Escritores en lingua castelá Categoría:Guionistas de Galicia Categoría:Nados en Celanova Categoría:Nados en 1972 Categoría:Personalidades de Galicia sen imaxes