O pentámetro iámbico é un tipo de verso de cinco pés de iambo, cada un dos cales adoita estar composto de dúas sílabas, unha non acentuada e outra acentuada, e unha sílaba opcional non acentuada ao final. É unha métrica sen rima.
Escritores ingleses como William Shakespeare ou Christopher Marlowe e o norteamericano Allen Ginsberg compuxeron gran parte da súa obra dramática con esta métrica. O poeta Nicanor Parra investigou en maneiras de flexibilizala, para poder favorecer a fluidez na tradución de Shakespeare ao español chileno. Parte dos seus resultados poden lerse na súa tradución do rei Lear, comezada en 1990 e publicada en Lear, rey & mendigo(2004)
Exemplos Un pé iámbico é unha sílaba non acentuada seguida dunha acentuada. O seu ritmo pódese describir da seguinte forma: da DUM Unha liña de pentámetro iámbico son cinco pés iámbicos nun mesmo verso: da DUM da DUM da DUM da DUM da DUM Na métrica inglesa adoita representarse este ritmo cunha 'x' para a sílaba átona e cunha '/' para a sílaba tónica. Seguindo este criterio, o pentámetro iámbico represéntase da seguinte forma: x / x / x / x / x / A liña 39 da segunda escena do primeiro acto na tempestade é un exemplo de pentámetro iámbico. A time before we came unto this cell? Podemos marcar a métrica desta liña como segue: x / x / x / x / x / A time be- fore we came un- to this cell? Marcamos a división entre os pés cunha |. x / x / x / x / x / A time | be fore | we came | un to | this cell
Véxase tamén
Outros artigos Iambo Trímetro iámbico Acento (métrica) Pé (métrica)
Notas
Categoría:Poesía Categoría:Métrica grecolatina