Joseph Christian Leyendecker, nado en Montbaur o 23 de marzo de 1874 e finado en New Rochelle, Nova York o 25 de xullo de 1951, foi un dos máis salientables ilustradores estadounidenses de comezos do século XX. É coñecido polos seus pósters, ilustracións de libros e publicidade, e as numerosas portadas para The Saturday Evening Post. Entre 1896 e 1950, Leyendecker pintou máis de 400 portadas de revistas. Durante a Idade Dourada da Ilustración Americana, só para The Saturday Evening Post, J. C. Leyendecker produciu 322 portadas, así como moitas ilustracións de publicidade para as páxinas interiores. Ningún outro artista, até a chegada de Norman Rockwell dúas décadas despois, foi tan claramente identificado na produción dunha publicación. Leyendecker "virtualmente inventou o concepto completo do deseño de revista moderno".
Galería
Notas
Categoría:Nados en 1874 Categoría:Finados en 1951 Categoría:Nados en Renania-Palatinado