miniatura|333x333px|Fachada da Universidade de Salamanca. Quod natura non dat, Salmantica non præstat (en galego: "O que a natureza non dá, Salamanca non o outorga") é un proverbio latino que significa que unha boa instrución (encarnada aquí na universidade) non pode darlle a ninguén aquilo do que é incapaz pola súa natureza. Deste xeito, nin a intelixencia nin a memoria, nin a capacidade de aprendizaxe son cousas que a universidade lles poida ofrecer aos seus alumnos.
Creuse erroneamente que esta frase corresponde ao lema da propia Universidade de Salamanca, aínda que se trata dun erro. Os lemas das universidades son sempre frases alentadoras, promotoras do estudo e da propagación do coñecemento e da ciencia. O lema da Universidade de Salamanca é Omnium scientiarum princeps Salmantica docet ("A Universidade de Salamanca é a primeira no ensino de todas as ciencias").Universidade de Salamanca en Wikipedia.
O emblema aparece esculpido na pedra que recibe os visitantes no edificio das escolas menores da Universidade de Salamanca.
Notas
Categoría:Locucións latinas Categoría:Universidade de Salamanca