A estación de Segovia é unha estación de tren de Adif da cidade de Segovia. É de carácter terminal e ten servizos de media distancia operados por Renfe. Os servizos de longa distancia e alta velocidade concéntranse na estación de Segovia-Guiomar. Dende 1982 é un monumento catalogado como Ben de Interese Cultural.Estación de Segovia Adif
Situación ferroviaria Pertence á liña férrea 110 da rede ferroviaria española que une Villalba con Segovia, punto quilométrico 62,7.Red ferroviaria española Ministerio de Fomento O tramo é vía única, en ancho ibérico e está electrificado. Esta liña continuaba ata Medina del Campo pero o tramo Medina del Campo-Segovia foi pechado en 1993 alegando falta de rendibilidade económica.
Historia O ferrocarril chegou a Segovia o 1 de xuño de 1884 coa apertura do tramo Medina del Campo-Segovia da liña férrea que pretendía unir Medina del Campo con Villalba.Cronología básica del ferrocarril español de vía ancha Fundación de los Ferrocarriles Españoles As obras correron a cargo de Norte. Dita compañía non tiña especial interese neste trazado dado que xa contaba coa liña Madrid-Hendaia que facía un percorrido similar alcanzando Medina del Campo vía Ávila.Villalba a Medina por Segovia Spanishrailway Aínda así motivos estratéxicos levárona a facerse coa mesma para evitar que algún competidor puidese aproveitar que a conexión por Segovia era a máis curta para alcanzar Madrid desde Valladolid, León ou Asturias. O enxeñeiro Miguel Muruve y Galán foi o encargado de construír a primeira estación da cidade. Para iso seguiu os planos da estación de Granollers que o mesmo construíra para a liña Barcelona-Granollers.Con el sello de Norte Luis Guijarro
Ao longo da historia o recinto sufriu diversas reformas e ampliacións sendo as máis destacadas as realizadas entre 1911 e 1913, a petición do rei Afonso XIII que solicitou entre outras melloras, unha "Sala Rexia" para as súas visitas á cidade, pavimentar o patio de viaxeiros para evitar os inconvenientes do po, ou ampliar vías e marquesiñas, a de 1926 e por último a de 1991.Patrimonio ferroviario de Segovia Fundación patrimonio Castilla y León Foi tamén unha das estacións incluídas no Plan Extraordinario de Modernización e Equipamento de Estacións impulsado por Renfe en 1986.
A estación Está situada na rúa Obispo Quesada, ao sur da cidade. O edificio para viaxeiros é unha estrutura de planta rectangular formado por un corpo central de dúas alturas ao que se anexan dúas ás de planta baixa de forma simétrica. En total, ten uns 50 metros de lonxitude e 11 de anchura. Os materiais de construción predominantes son a pedra calcaria e o ladrillo. Todos os vans están decorados con arcos de medio punto con clave resalta e enmarcados con forma de alfiz. Na zona de plataformas, a estación ten varias marquesiñas metálicas que se sosteñen con columnas de ferro fundido e mostran elementos decorativos nos seus capiteis. Dispón de 5 vías e de 3 plataformas, das cales se utilizan 2 vías ou 3 en casos excepcionais, xa que as demais están defectuosas ou non están operativas.
Servizos ferroviarios Media distancia Actualizado a 25 de xuño de 2016. Liña Trens Orixe/Destino Destino/Orixe 53 Rexional Madrid-Atocha Cercanías Segovia
Notas
Véxase tamén
Outros artigos Estación de Segovia-Guiomar Ligazóns externas Información na web de Adif
Segovia Categoría:Segovia Categoría:Bens de Interese Cultural de Castela e León