María Luisa Pierres López, nada en Pontevedra en 1976, é unha arquitecta e política galega do PSdeG-PSOE.
Traxectoria Filla de José Manuel Pierres Martínez e Maria Luisa López Paz. Ten dous fillos.
Carreira profesional Bolseira da Fundación Caja de Arquitectos na modalidade de mellores expedientes académicos en Proxectos Arquitectónicos de toda España en 2001, o que lle permitiu traballar no estudio EMBT (Miralles Tagliabue) en Barcelona. Licenciada en Arquitectura pola Universidade da Coruña no 2005. Foi presidenta da Comisión de Cultura, tesoureira durante oito anos e secretaria da delegación en Pontevedra do Colexio de Arquitectos de Galicia ata maio de 2023.
Actualmente é secretaria do Colexio Oficial de Arquitectos de Galicia.
En 2013 fundou en Pontevedra xunto con África Rodríguez un espazo de coworking . Espacio Arroelo, para fomentar o emprendemento entre autónomos e pequenas pymes.
Desde o ano 2023 é Secretaria do Colexio Oficial de Arquitectos de Galicia.
Carreira política Nas eleccións ao Parlamento de Galicia 2016 foi elixida deputada polo PSdeG-PSOE pola provincia de Pontevedra, cargo que compatibilizou coa súa actividade profesional como arquitecta. Actuou como voceira de Igualdade, Vivenda e Urbanismo e ostentou o cargo de Vicepresidenta da Comisión de Igualdade do Parlamento de Galicia durante o último período da Lexislatura.
Voceira da Executiva Nacional do PSdeG desde decembro de 2021 ata finais de 2023.
Véxase tamén Ligazóns externas Ficha no Parlamento de Galicia
Categoría:Arquitectos de Galicia Categoría:Deputados do Parlamento de Galicia polo PSdeG-PSOE Categoría:Deputados da X Lexislatura do Parlamento de Galicia Categoría:Nados en Pontevedra Categoría:Nados en 1976 Categoría:Personalidades de Galicia sen imaxes