O Grupo da Alianza dos Liberais e Demócratas por Europa (abreviado como ALDE polo seu nome en inglés) é un grupo político do Parlamento Europeo composto por case todos os deputados do Partido da Alianza dos Liberais e Demócratas por Europa e do Partido Demócrata Europeo, así como dalgúns de partidos non adscritos.
É o cuarto grupo en número de escanos na oitava lexislatura do Parlamento Europeo (2014-2019) e está considerado como a referencia liberal nas institucións europeas, tendo grupo no Consello de Europa (chamado ALDE-PACE), no Comité das Rexións da Unión Europea e na Asemblea Parlamentaria da OTAN.
Desde xullo de 2009 o presidente do Grupo da Alianza dos Liberais e Demócratas por Europa é o belga Guy Verhofstadt, dos Liberais e Demócratas Flamengos, sucedendo ao inglés Graham Watson, dos Liberal Demócratas.
Historia miniatura|230px|Graham Watson, voceiro na lexislatura 2004-2009. O Grupo da Alianza dos Liberais e Demócratas por Europa ten a súa orixe nas primeiras reunións da Asemblea Común da Comunidade Europea do Carbón e do Aceiro, fundándose o Grupo de Liberais e afíns o 23 de xuño de 1953. A medida que a Asemblea se converteu en Parlamento, os gaullistas se separaron do grupo, e deuse entrada aos novos países da Unión Europea, e o grupo converteuse no Grupo Liberal, Democrático e Reformista o 13 de decembro de 1985, cambiando posteriormente a Grupo do Partido Europeo dos Liberais, Demócratas e Reformistas para coincidir co nome do partido europeo.
Non foi ata o inicio da quinta lexislatura, o 20 de xullo de 2004, cando o Partido Europeo dos Liberais, Demócratas e Reformistas e o Partido Demócrata Europeo aliáronse no Parlamento Europeo para a creación do grupo político. Nesta primeira lexislatura, onde contaron con 88 eurodeputados de 732 asentos, o grupo elixiu o inglés Graham Watson como presidente.
Nesta citada primeira lexislatura o grupo fixou 10 obxectivos primordiais, entre os que figuraba a promoción da paz e a creación dunha federación europea, facer da UE un actor global, tanto na súa dimensión económica como política, democratizar as estruturas da Unión, garantir os dereitos fundamentais de todos os cidadáns europeos o promover a educación a todos os niveis, así como garantir plenamente o recoñecemento das rexións europeas e aumentar o seu poder.
Nas eleccións ao Parlamento Europeo de 2009, o grupo obtivo 84 escanos, manténdose como a terceira forza política da Eurocámara. O voceiro e o liderado do grupo foi o exprimeiro ministro belga Guy Verhofstadt. O grupo mantivo a liña da súa anterior lexislatura, dando especial importancia ao afianzamento do mercado único e á ampliación dos dereitos fundamentais para a protección das minorías e en contra da discriminación, así como á loita polo recoñecemento en todos os estados membros dos matrimonios entre persoas do mesmo sexo celebrados nalgúns países.
Na oitava lexislatura, tras uns resultados discretos nas eleccións ao Parlamento Europeo de 2014 e a saída dos deputados do Partido Nacional Liberal de Romanía e do Fianna Fáil de Irlanda, o grupo decidiu abrirse a novos membros, como o Partido da Terra de Portugal, o ANO 2011 da República Checa e os españois Unión, Progreso y Democracia e Cidadáns-Partido da Cidadanía, creando problemas internos pola posición contra a independencia de Cataluña de ambas as formacións, fronte á posición favorábel de Convergència Democràtica de Catalunya e Partido Nacionalista Vasco. Finalmente, a situación resolveuse coa entrada de UPyD e C's e a creación dun subgrupo para falar de autogoberno para CDC e PNV.
Presidentes do grupo +Deputadosdesde 2004inicio e final lexislativo 2004 2009 2009 2014 2014 O Grupo da Alianza dos Liberais e Demócratas por Europa tivo dous presidentes diferentes desde a súa fundación. Período Nome Estado Partido político 2004-2009 Graham Watson Reino Unido Liberal Demócratas 2009- Guy Verhofstadt Bélxica Liberais e Demócratas Flamengos
Presidentes do Parlamento Desde a súa fundación, o 20 de xullo de 2004, o Grupo da Alianza dos Liberais e Demócratas por Europa non lograron presidir o Parlamento Europeo, aínda que o seu grupo predecesor, o Grupo do Partido Europeo dos Liberais, Demócratas e Reformistas, tivo ese posto en catro períodos: de 1962 a 1964, co italiano Gaetano Martino; de 1973 a 1975, co neerlandés Cornelis Berkhouwer; de 1979 a 1981 coa francesa Simone Veil, e de 2002 a 2004, co irlandés Pat Cox.
Organización O Grupo da Alianza dos Liberais e Demócratas por Europa organízase a través da presidencia, a mesa e as reunións do grupo e a mesa.
A presidencia A presidencia do grupo está formada polo presidente e oito vicepresidentes. Reúnese unha vez ao mes para planificar as actividades do grupo e preparar as decisións da mesa. A Presidencia Presidente Nome Estado Partido político Hans van Baalen VVD Vicepresidentes Nome Estado Partido político Henrik Bach Mortensen Venstre Timmy Dooley Fianna Fáil Fredrick Federley Centerpartiet Luis Garicano Ciudadanos Ilhan Kyuchyuk MEP MRF Markus Löning FDP Angelika Mlinar NEOS Marta Pascal CDCBaroness Ros Scott Liberal Demócratas
A Mesa A Mesa é o órgano principal para a toma de decisións do grupo, e está integrada polos líderes de todas as delegacións nacionais. Encárgase de supervisar as estratexias políticas do grupo.
Parlamento Europeo O Grupo da Alianza dos Liberais e Demócratas por Europa é o sexto grupo por número de escanos na oitava lexislatura do Parlamento Europeo, sumando un total de 68 eurodeputados, que representan o 9,05 % da cámara, de 17 estados membros da Unión Europea.
Deputados
País Partido PartidoEuropeo Deputados Diferenza2009-2014Partido Democrático LiberalALDE8 menosElectores LibresPDENEOS - Foro LiberalALDE1 máisLiberais e Demócratas FlamengosALDE1 máisMovemento ReformadorALDEMovemento dos Cidadáns para o CambioPDEMovemento polos Dereitos e LiberdadesALDE1 menosPartido Popular de Croacia – Liberal DemócratasALDE2 máisAsemblea Democrática de IstriaALDEEsquerda-Partido Liberal de DinamarcaALDEigualEsquerda RadicalALDELiberdade e SolidariedadeALDEigualPartido Democrático dos Pensionistas de EsloveniaPDE a1 menosUnión, Progreso y DemocraciaALDE6 máisCidadáns-Partido da CidadaníaALDEPartido Demócrata Europeo Catalán (Coalición por Europa)PDEPartido Nacionalista Vasco (Coalición por Europa)PDEPartido Reformista EstonianoALDEigualPartido do CentroALDEPartido do CentroALDEigualPartido Popular SuecoALDEMovemento DemócrataPDE1 máisUnión de Demócratas e IndependentesPDEIndependente: Marian HarkinPDE3 menosMovemento Liberal de LituaniaALDE1 máisPartido LaboristaALDEPartido DemocráticoALDEigualDemócratas 66ALDE1 menosPartido Popular pola Liberdade e a DemocraciaALDEPartido da Terra2 máisLiberal DemócratasALDE11 menosANO 2011ALDE4 máisIndependente: Mircea Diaconu2 menosPartido Liberal Reformista ALDEPartido Popular LiberalALDE1 menosPartido do CentroALDETotal14 menos Nota: os datos comparativos son en relación á organización dos grupos á final do sétimo mandato do Parlamento Europeo, co Tratado de Lisboa xa en funcionaminto''.a O deputado forma parte do Partido Demócrata Europeo, pero o seu partido, non.
Mesa do Parlamento Para a presidencia do Parlamento, o grupo da Alianza dos Liberais e Demócratas por Europa decidiu non presentar candidato e dar o seu apoio ao alemán Martin Schulz, tras un acordo co grupo do Partido Popular Europeo e o grupo da Alianza Progresista de Socialistas e Demócratas. Este acordo daría a presidencia, a finais de 2016, ao popular Manfred Weber ata a final da lexislatura.
Para os postos da mesa, o grupo logrou dúas vicepresidencias, unha para o finlandés Olli Rehn, do Partido do Centro, e outra para o alemán Alexander Graf Lambsdorff, do Partido Democrático Liberal. Ademais, a inglesa Catherine Bearder, dos Liberal Demócratas, foi nomeada cuestora, e tres deputados lograron presidir comisións parlamentarias.
Notas
Véxase tamén Outros artigos Partido da Alianza dos Liberais e Demócratas por Europa Partido Demócrata Europeo Grupo do Partido Europeo dos Liberais, Demócratas e Reformistas Parlamento Europeo Grupos políticos do Parlamento Europeo
Ligazóns externas Páxina web do Grupo da Alianza dos Liberais e Demócratas por Europa Páxina web do Partido da Alianza dos Liberais e Demócratas por Europa Páxina oficial do Partido Demócrata Europeo
Categoría:Parlamento Europeo