Fuel Fandango é un dúo musical formado polo produtor canario Alejandro Acosta (membro de Mojo Project) e a cantante cordobesa Cristina Manjón, máis coñecida como Nita. Adoitan ir acompañados nos directos pola batería canario Carlos Sosa. Considéranse un dúo de tres persoas. O grupo foi creado en 2010. En 2014 editouse un filme -tributo no que aparecían todos os seus videoclips.Fuel Fandango - A Tribute Film , en Vimeo.
Historia Fuel Fandango xorde tras o paro de Ale Acosta co seu anterior grupo Mojo Project. Alejandro e Nita coñecéronse en 2008 en Córdoba, onde Alejandro adoitaba ir pinchar música. Alejandro era produtor e dj, e Nita era cantante educada no mundo da copla e o flamenco. Empezaron a compor xuntos unindo os mundos que coñecían: funk, soul, electrónica, jazz e flamenco, nun estilo propio e único.
Nas súas cancións combinan a lingua inglesa co castelán. O nome do grupo fusiona os dous mundos que unen a súa música: o Fuel -a gasolina das máquinas, samplers e a música electrónica- e o Fandango, a música flamenca.
Durante o verán de 2010 gravaron o seu primeiro disco, Fuel Fandango, entre Madrid (Reno Studios) e Córdoba, coa idea de conservar a frescura e a espontaneidade. Saíu editado en 2011, mesturando estilos musicais tan variados como o funk, a electrónica e o flamenco ou a copla, e obtendo moi boas críticas do mundo da música. O 6 de marzo de 2012 saíu á venda o álbum "Remixed", que inclúe remesturas do nove primeiros temas do seu disco.
En abril de 2013 publicaron o seu segundo álbum, Trece Lunas, gravado entre Madrid, Córdoba, Tarifa e Londres, e producido por Ale Acosta, coa axuda do produtor Duncan Mills, de grupos como Jamie Cullum ou Florence and the Machine. A portada do disco foi deseñada por Neil Krug, que realizou traballos para Ladytron, Devendra Banhart, e Scissor Sisters, entre outros. Ademais realizaron o documental Inside Trece Lunas, composto por varios capítulos que mostran o proceso de gravación do novo álbum.
Nun principio Nita escribiría as letras e melodías de voz, mentres que Ale Acosta faría a produción e os arranxos musicais. Con todo, o grupo declarou que, na práctica, ambos compuxeron partes musicais e letras, indistintamente."Fuel Fandango: «Queríamos mezclar diferentes estilos para conseguir diferentes colores»", entrevista en Rockbase.
Membros Cristina Manjón, "Nita" (voz, letrista) Ale Acosta (instrumentos e produción, letrista) Carlos Sosa (batería)
Discografía EP1 (2009) Fuel Fandango (2011) Trece lunas (2013) Aurora (2016)
Notas
Categoría:Grupos musicais de España Categoría:Grupos musicais formados en 2010