The Left Hand of Darkness é unha novela de ciencia ficción da autora estadounidense Ursula K. Le Guin, publicada en 1969. A novela foi moi popular e converteu a Le Guin nunha das grandes escritoras de ciencia ficción. Trama
A novela conta a historia de Genly Ai, un nativo da Terra que é enviado ó planeta de Gethen como un enviado de Ekumen, unha perdida confederación de planetas. A misión de Ai é persuadir ás nacións de Gethen de unirse a Ekumen, pero está impedido pola súa falta de comprensión da cultura gethiana. Os individuos de Gethen son ambisexuais, sen un sexo definido. Este feito ten unha grande influencia na cultura do planeta, e xera unha barreira de entendemento para Ai. Left Hand atópase entre os primeiros libros do xénero coñecido como ciencia ficción feminista e é a mostra máis famosa de androxinia na ciencia ficción. Un dos temas principais da novela é o efecto do sexo e o xénero na cultura e a sociedade, explorando en particular a relación entre Ai e Estraven, un político getheniano que confía nel e o axuda. Dentro do contexto da novela, tamén se explora a interacción entre as lealdades desenvoltas das súas personaxes principais, a soidade e o desarraigo de Ai, e o contraste entre as relixións das dúas nacións principais de Gethen. O tema do xénero tamén creou un debate feminista cando foi publicado por primeira vez, sobre as representacións dos ambiciosos gethianos.
Notas
Véxase tamén Bibliografía
Categoría:Obras literarias de 1969 Categoría:Obras literarias en inglés