A selección de fútbol de Serbia (en , Fudbalska reprezentacija Srbije) é o equipo representativo de Serbia nas competicións oficiais internacionais de fútbol. A súa organización está a cargo da Asociación de Fútbol de Serbia (Фудбалски савез Србије, Fudbalski savez Srbije), pertencente á UEFA e á FIFA. A selección está considerada polas propias FIFA e UEFA como sucesora das seleccións de e .
Historia Período iugoslavo (1920–1991)
A selección serbia foi a selección de fútbol de Iugoslavia até o 4 de febreiro de 2003 e, posteriormente, a selección de Serbia e Montenegro até o 3 de xuño de 2006, cando Serbia declarou a súa independencia como Estado sucesor da Unión Estatal de Serbia e Montenegro. O seu nome, por suposto, cambiou oficialmente ó do equipo nacional de fútbol de Serbia o 28 de xuño de 2006, mentres que se creou o equipo nacional de fútbol de Montenegro para representar o novo estado de Montenegro.
Entre 1921 e 1992, o equipo non existiu tal como o coñecemos, xa que Serbia era parte do Reino de Iugoslavia (1918-1943) e, máis tarde, da República Federal Socialista de Iugoslavia (1945-1991). O equipo nacional de Serbia existiu dende 1919 até 1921, pero deixou de existir a raíz da creación do primeiro Reino de Iugoslavia.
Porén, a Asociación de Fútbol de Serbia é un membro da FIFA dende 1921 e membro da UEFA dende a creación do organismo europeo en 1954. O equipo nacional de Serbia é recoñecido, grazas a un mutuo acordo entre a FIFA e a UEFA, como descendente directo e único da selección nacional de Iugoslavia. Polo tanto, o novo equipo nacional formado en 1992 herdou o estado completo, os resultados e os logros de Iugoslavia, a diferenza de calquera outro país resultado da desintegración de Iugoslavia. En consecuencia, non tivo que solicitar a membresía da FIFA e da UEFA.
Unha situación semellante ocorreu trala decisión de Montenegro de separarse tras un referendo celebrado o 21 de maio de 2006. Unha vez máis, Serbia, que herdou o patrimonio de Serbia e Montenegro, non tivo que solicitar a membresía da FIFA e da UEFA, mentres que Montenegro viuse obrigado a facelo.
Independencia e regreso á denominación Serbia Despois de que Montenegro declarase a súa independencia, Serbia debutou como selección independente cunha vitoria por 3-1 sobre a República Checa. O proceso de clasificación da Eurocopa 2008 comezou pouco despois no 2007 e rematou nunha decepción para Serbia. O bo comezo na cualificación viuse ensombrecida polo último tramo de partidos nos que perdeu puntos contra Finlandia, Bélxica, Armenia e Kazakhstán. Finalmente rematou terceiro, a tres puntos do subcampión Portugal e campión do Grupo A, Polonia. O primeiro seleccionador estranxeiro de Serbia, Javier Clemente, foi despedido tralo fracaso. Serbia substituíu a Javier Clemente con Miroslav Đukić, quen deixou o cargo o 19 de agosto do ano seguinte sen ter xogado ningún partido oficial por mor de varias desavinzas coa Federación de Fútbol de Serbia.
Uniformes Reino de Iugoslavia
RFS Iugoslavia
RF Iugoslavia / Serbia e Montenegro
Serbia
Notas
Véxase tamén Ligazóns externas Páxina web da Asociación de Fútbol de Serbia
Categoría:Selección de fútbol de Serbia Categoría:Fútbol en Serbia