A Astrochelys yniphora é unha tartaruga criptodira da familia Testudinidae endémica do nordés de Madagascar. É unha das máis raras do mundo pola súa forma e está en grave perigo de extinción. É endémica dos bosques secos na área da baía de Baly, no noroeste de Madagascar. O seu nome común refírese á aparición do escudo gular do plastrón, que o proxecta cara a adiante entre as patas dianteiras e o curva cara a arriba, cara ao pescozo. A cuncha é moi bombeada e de cor marrón clara con aneis de crecemento destacado en cada escudo. Os machos son meirandes que as femias e alcanzan unha lonxitude de até 35 cm.
Esta especie, unha das tartarugas máis raras do mundo, está clasificada como En Perigo Crítico (CR) pola Lista Vermella e que figura no Apéndice I do CITES. Quedan menos de 200 exemplares. Un centro de cría en catividade estableceuse para esta especie en Madagascar en 1986 polo New Jersey Wildlife Preservation Trust, en colaboración co Departamento de Madagascar de Augas e Bosques. En 1996, 76 tartarugas, 2 femias adultas e 74 crías, foron roubadas das instalacións, que representan aproximadamente a metade da descendencia producida até a data.
Notas
Véxase tamén
Bibliografía
"Angonoka Tortoise". Honolulu Zoo. https://web.archive.org/web/20110225133127/http://www.honoluluzoo.org/print_version.htm. Consultado o 29 de decembro de 2010. Nilsson, G. (1983). Endangered Species Handbook. Animal Welfare Institute
Categoría:Criptódiros Categoría:Animais descritos en 1885 Categoría:Réptiles de Madagascar Categoría:Fauna endémica de Madagascar