Jacqueline "Jackie" Joyner-Kersee, nada en East St. Louis (Illinois) o 3 de marzo de 1962 é unha ex-atleta estadounidense, considerada das mellores heptatletas e saltadoras de lonxitude da historia. Gañou tres ouros, unha prata e dous bronces nos Xogos Olímpicos. A revista Sports Illustrated for Women votouna como a mellor atleta feminina de todos os tempos. Pertence á xunta da USA Track & Field (USATF), órgano de goberno dese deporte.
Joyner-Kersee é unha filántropa dedicada á educación infantil, igualdade racial e dereitos da muller. É a fundadora da Jackie Joyner-Kersee Foundation, que impulsa a xente nova de East St. Louis a destacar en atletismo e academicamente. Asociouse con Comcast para crear o programa Internet Essentials en 2011. Dende o seu inicio, achegou acceso a Internet a catro millóns de estadounidenses.
Joyner-Kersee é unha das atletas máis célebres vítimas de asma severa.
Traxectoria Jacqueline Joyner naceu en East St. Louis, Illinois, e recibiu o seu nome por Jackie Kennedy. Como atleta no instituto East St. Louis Lincoln Senior High School, clasificouse para as finais de salto de lonxitude nos 1979 Olympic Trials, acabando 8.ª tras outra estudante de instituto, Carol Lewis.Hyman, Richard S. (2008) The History of the United State Olympic Trials Track & Field . USA Track & Field Foi inspirada a competir en probas combiandas tras ver un telefilme de 1975 sobre Babe Didrikson Zaharias. Didrikson, atleta, xogadora de baloncesto e golfista, foi elixida mellor atleta feminina da primeira metade do século XX. Quince anos despois, a revista Sports Illustrated for Women elixiu a Joyner-Kersee como a mellor atleta da historia, por diante de Zaharias.
Joyner-Kersee asistiu á Universidade de California nos Ánxeles, onde participou tanto en atletismo como en baloncesto entre 1980 e 1985. Durante o curso 1983-1984 tivo unha excedencia (“redshirt”) para concentrarse no héptatlon para os Xogos Olímpicos de 1984, en que gañou a medalla de prata. Era a favorita, mais finalizou cinco puntos detrás da australiana Glynis Nunn.
Nos Xogos Olímpicos de 1988 gañou as medallas de ouro en héptatlon e salto de lonxitude; nos de 1992 gañou o ouro en héptatlon e o bronce en salto de lonxitude.
Nos preolímpicos de 1996, feriuse nun tendón, e cando comezaron os Xogos aínda non estaba totalmente recuperada e despois da primeira proba do héptatlon, os 100 metros valos, retirouse. Si puido cualificarse para a final de salto de lonxitude, gañando a medalla de bronce.
En 1996 Joyner-Kersee asinou un contrato para xogar profesionalmente con Richmond Rage na American Basketball League. Aínda que era moi popular entre os afeccionados, só apareceu en 17 partidos e non marcou máis de 15 puntos en ningún deles. O 21 de febreiro de 1998 foi honrada como unha das 15 grandes xogadoras de baloncesto da UCLA.UCLA Women's Basketball 2006-2007 Media guide - Copy available at UCLABRUINS.COM
Dous anos despois de retirarse, tratou de cualificarse para competir en salto de lonxitude nos Xogos Olímpicos de Sydney de 2000. Fracasou no intento ao finalizar sexta na preselección.
En abril de 2001, Joyner-Kersee foi elixida “Mellor atleta feminina colexiada dos últimos 25 anos”. A votación foi realizada entre 976 membros da NCAA.Jackie Joyner-Kersee Is Named The 'Top Woman Collegiate Athlete Of The Past 25 Years , 25 de abril de 2001. UCLA Bruins official Athletic site Récords persoais 100 metros valos : 12,61 s Salto de lonxitude : 7,49 m Salto de altura : 1,93 m 200 metros : 22,30 s Lanzamento de peso : 16,84 m Lanzamento de xavelina : 50,12 m 800 metros : 2 min 8,51 s
Vida privada O irmán de Jackie é o campión olímpico de triplo salto Al Joyner, que casou coa tamén campioa olímpica Florence Griffith Joyner. Joyner-Kersee casou co seu adestrador, Bob Kersee, en 1986.Jackie Joyner-Kersee . Sports Reference
En 1988, Joyner-Kersee creou a Jackie Joyner-Kersee Foundation, que achega á mocidade, xente adulta e familias leccións atléticas e mellora a súa calidade de vida. En 2007, xunto con Andre Agassi, Muhammad Ali, Lance Armstrong, Warrick Dunn, Mia Hamm, Jeff Gordon, Tony Hawk, Andrea Jaeger, Mario Lemieux, Alonzo Mourning e Cal Ripken, Jr. fundou a organización de caridade Athletes for Hope.Athletes for Hope
Notas
Véxase tamén
Bibliografía Lansbury, Jennifer H. A Spectacular Leap: Black Women Athletes in Twentieth-Century America''. , 2014. Print. Ligazóns externas Jackie Joyner-Kersee na IAAF USA Track and Field bio Jackie Joyner-Kersee's U.S. Olympic Team bio The Jackie Joyner Kersee Foundation, fundada por Jackie e o seu home
Categoría:Nados en Illinois Categoría:Nados en 1962 Categoría:Atletas olímpicos dos Estados Unidos de América Categoría:Medallistas olímpicos de ouro polos Estados Unidos de América Categoría:Medallistas olímpicos de prata polos Estados Unidos de América Categoría:Medallistas olímpicos de bronce polos Estados Unidos de América Categoría:Medallistas nos Xogos Olímpicos de 1984 Categoría:Medallistas nos Xogos Olímpicos de 1988 Categoría:Medallistas nos Xogos Olímpicos de 1992 Categoría:Medallistas nos Xogos Olímpicos de 1996 Categoría:Medallistas olímpicos en atletismo Categoría:Saltadores de lonxitude Categoría:Atletas de probas combinadas Categoría:Atletas nos Xogos Olímpicos de 1984 Categoría:Atletas nos Xogos Olímpicos de 1988 Categoría:Atletas nos Xogos Olímpicos de 1992 Categoría:Atletas nos Xogos Olímpicos de 1996 Categoría:Lanzadores de peso