A Asociación Numismática Española (ANE) é unha das entidades asociativas españolas máis importantes no eido da numismática. Fundouse en 1955 e ten a súa sede en Barcelona. Constitúena estudosos e afeccionados da numismática e outras disciplinas afíns, co interese común de fomentar o coleccionismo e o coñecemento numismático."A.N.E. ". No sitio web da ANE.Pellicer i Bru, J.; Casas Plá, J. (2005).

Historia

Prolegómenos A xestación da Asociación Numismática Española comezou coa constitución da súa comisión organizadora, o 6 de febreiro de 1954.

Nun informe de xestión desta comisión datado o 26 de xuño dese mesmo ano, o secretario provisional, Joan Baucis Tulla, expuña as intencións e as actividades que se estaban a levar a cabo para a constitución da nova sociedade, entre elas a adecuación dun local social e a adopción do logotipo, baseado no anverso do dracma de Roses (Xirona), considerado como a primeira moeda emitida en España, que amosa a cabeza de perfil dunha divindade helénica e o nome da asociación arredor (o logo non se rexuistrou ata 1960). Tamén se prevía a posta en marcha de exposicións públicas, concursos, poxas, publicacións, conferencias e unha biblioteca, entre outras actividades, así como a cuñaxe dunha medalla conmemorativa, que, posteriormente, se realizou en bronce, cun módulo de 70 mm e un peso de 249 g, nos talleres Exametal, de Barcelona, cunha tiraxe de 300 exemplares, en cuxo reverso se glosou o verso de Ovidio: ... novus accensu fungitur igne focus ("o novo fogar se inflama coa chama acesa").

Nese informe indicábase que o número de adhesións o 21 de xuño de 1954 era de 156 (15 de socios fundadores protectores, 46 de socios fundadores, 87 de socios de número e sete aspirantes).

Logo da súa fundación Finalmente, a Asociación Numismática Española (ANE) foi fundada o 27 de marzo de 1955, coa aprobación dos seus estatutos e a súa inscrición do rexistro correspondente, e a inauguración oficial efectuouse os días 25 de maio e 6 de xuño dese mesmo ano. O 18 de decembro de 1979 modificouse o primeiro artigo dos estatutos da asociación para engadir o seu carácter de "sen ánimo de lucro".

No mesmo ano da súa fundación, o 30 de setembro, acordouse a creación dun boletón boletín que daría lugar posteriormente á revista Gaceta Numismática, cuxo primeiro número viu a luz o 25 de abril de 1967 e que continúa vixente máis de cincuenta anos despois."Gacetra Numismática ". No sitio web da ANE.

En 1959 creáronse os faladoiros de numismática (Tertulias Numismáticas) da man de Leandre Villaronga i Garriga.

Durante os anos 1962 e 1963, a entidade vinculouse ao Instituto Antonio Agustín de Numismática, do Consello Superior de Investigacións Científicas (CSIC) e asinouse un convenio polo que a revista Numario Hispánico, dese instituto, pasaba a ser, pola súa vez, un órgano da ANE."Numario hispánico". En Datos BNE.

En 1963 abríronse camiños de colaboración internacional coa integración na Comission de lutte contre les falsifications modernes e na Asociación Internacional de Numismáticos Profesionais (AINP) ambas con sede en Ámsterdam, que solicitaron axuda á entidade e cuxa reunión se celebrou en París en 1965.

O 14 de xullo de 1977 creáronse as Semanas Nacionais de Numismática, de celebración anual, con ocasión das cales a ANE emite unha medalla conmemorativa.Medallas conmemorativas da ANE .

En 1989 iniciouse un proceso de informatización a través dun convenio con IBM, que levou a contar, xa en 1990, con toda a documentación social informatizada.

Ese mesmo 1990 asinouse un convenio de colaboración coa área de Historia Medieval da Universidade Autónoma de Barcelonae en 1992 creoue o padroado da entidade para a publicación de libros.

Sedes Na fundación da asociación, en 1955, estableceuse como sede social o número 12 da rúa Moncada, e en 1957 a ANE trasladouse a un novo local no número 25 do Paseo de Gracia.

En 1960 produciuse un novo traslado de sede, ao número 53 da rúa Lauria.

Finalmente, en 1982 levouse a cabo a adquisición dun local para a sede na Gran Via de les Corts Catalanes.

Premios

Antigos

Medalla presidencial da ANE. Instituíuse en 1967 para premiar os socios que realicen un traballo salientable a prol da ciencia numismática. Premio Internacional de Honra. Creado en 1968. Juan Baucis. Creouse en 1981 para recoñecer o mellor coleccionista. Ruiz de Larramendi, instituído en 1982.

Vixentes Premio Javier Conde Garriga. En1960 creouse este galardón, que se lle outorga á mellor obra de numismática editada no ano anterior. Na primeira edición, o recoñecemento recaeu en Felip Mateu i Llopis."Premios de ANE". Asociación Numismática Española (Numisane.org)."Ganadores del premio Javier Conde Garriga". Asociación Numismática Española (Numisane.org). Excelente ao Mérito Numismático. Tomando o relevo do Premio Internacional de Honra, en 1995 instituíuse este galardón como o máis importante recoñecemento que outorga a ANE."Premio Anual A.N.E. 'Excelente al Mérito Numismático'". Asociación Numismática Española (Numisane.org).

Presidentes da ANE Esta é unha listaxe dos presidentes e dos presidentes de honra da Asociación Numismática Española desde a súa fundación en 1955:

Presidentes

1955-1975: Carlos Ruiz de Larramendi y Catalán. 1975-1982: Francisco José de Lacambra Estany. 1983-1996: Ramón Martí Cot. 1996-2019: Josep Pellicer i Bru. Desde 2019: Simeón García-Nieto- Conde.

Presidentes de honra

1955-1975: Luis Auguet Durán. 1975-1978: Carlos Ruiz de Larramendi y Catalán 1978-1980: Juan Baucis Tulla. 1980-1983: Xavier Calicó i Rebull. 1983-1984: Francisco José de Lacambra Estany. 1984-1988: Felip Mateu i Llopis. 1988-2006: Antonio Beltrán Martínez. 2006-2015: María Ruiz Trapero.

Publicacións

Periódicas

Gaceta numismática (desde 1967)."Gaceta Numismática ". No sitio web da ANE.

Monografías A actividade editora da ANE foi, desde os seus principios, moi abundante. Recóllese aquí, a modo de escolma, unha obra representativa de cada lustro desde a súas primeiras edicións na década de 1960:"Asociación Numismática Española". En Worldcat.org.

(1964): Mateu i Llopis, F. Las Monedas de Alfonso el Magnánimo, rey de Aragón (1416-1458): exposición sintética. (1968): Ruiz Trapero, M. Las Acuñaciones hispano-romanas de Calagurris : su ordenación cronológica y su trascendencia histórica. (1971): Lluís y Navas, J. El Socialismo realista en el arte general de la moneda yugoslava titista. (1978): Villaronga i Garriga, L. Las monedas ibéricas de Ilerda. (1980): Ripollès Alegre, P. P. La circulación monetaria en tierras valencianas durante la Antigüedad. ISBN 9788485060160 (1988): Pellicer i Bru, J. Al-Andalus: las fuentes y la numismática. Síntesis cronológico-metrológica de las acuñaciones del Califato de Córdoba. (1993): Villaronga i Garriga, L. Tresors monetaris de la Península Ibèrica anteriors a August: repertori i anàlisi. (1996): Crusafont i Sabater, M. et al. Plomos y jetones medievales de la Península Ibérica. (2000): Roma Valdés, A. Moneda y sistemas monetarios en Castilla y León durante la Edad Media (1087-1366). ISBN 9788493013424 (2007): De Francisco Olmos, J. M. et al. Referencias monetarias en la documentación del archivo de la Catedral de Córdoba (siglo XIV). ISBN 9788493013455 (2010): Pellicer i Bru, J. Ensayadores: las emisiones monetarias hispánicas (siglos XV-XX). ISBN 9788493013479 (2017): Amela Valverde, L. Las emisiones romanas pompeyanas de Hispania. ISBN 9788494660603

Notas

Véxase tamén

Bibliografía

Pellicer i Bru, J.; Casas Plá, J. (2005). ANE 50 aniversario 1955 - 2005. Asociación Numismática Española. DL: B-9713-2005

Ligazóns externas

Sitio web da Asociación Numismática Española Perfil en Facebook da ANE

Categoría:Asociacións numismáticas Categoría:Sociedades científicas Categoría:Cultura de España Categoría:Organizacións sen ánimo de lucro