A hiperqueratose é o engrosamento do estrato córneo da pel (a capa máis externa da epiderme), que adoita estar asociada coa presenza dunha cantidade anormal de queratina,Kumar, Vinay; Fausto, Nelso; Abbas, Abul (2004) Robbins & Cotran Pathologic Basis of Disease (7th ed.). Saunders. Page 1230. . e tamén adoita ir acompañada dun incremento na capa granular. Como a capa córnea varía normalmente moito en grosor en diferentes sitios, é necesario ter experiencia para avaliar os graos menores de hiperqueratose.
Pode ser causada por unha deficiencia de vitamina A ou unha exposición crónica ao arsénico.
A hiperqueratose pode tamén ser causada por fármacos inhibidores de B-Raf, como o Vemurafenib e o Dabrafenib.Niezgoda, Anna; Niezgoda, Piotr; Czajkowski, Rafal (2015) Novel Approaches to Treatment of Advanced Melanoma: A Review of Targeted Therapy and Immunotherapy BioMed Research International
Pode ser causada por fricción, orixinando a aparición de calos, calosidades, inflamación crónica, eccema ou por trastornos xenéticos como a ictiose ligada ao cromosoma X ou ictiose (pel extremadamente seca).
Pode tratarse con cremas que conteñan urea, a cal disolve a matriz intercelular das células do estrato córneo, promovendo a desescamación da pel, causando finalmente unha suavización das áreas con hiperqueratose.drugs.com > Urea Cream (Prescribing Information) Revised: 04/2010 by Stratus Pharmaceuticals
Tipos
Folicular A hiperqueratose folicular ou queratose pilar é unha condición da pel caracterizada por un desenvolvemento excesivo de queratina nos folículos pilosos, que orixina pápulas elevadas cónicas rugosas. As aberturs dos folículos están a miúdo pechadas cun tapón branco de sebo incrustado. Cando se denomina frinoderma a condición está asociada con deficiencias nutricionais ou malnutrición
Observouse en varios estudos a pequena escala que esta condición respondía ben á suplementación con vitaminas e graxas ricas en ácidos graxos esenciais. As deficiencias de vitamina E, vitamina A e vitaminas do complexo B foron implicadas na causa desta condición.
Específica doutros sitios Hiperqueratose plantar.- É a hiperqueratose da planta do pé. Recoméndase a retirada cirúrxica da pel morta, para proporcionr alivio sintomático. Hiperqueratose da mamila e a aréola.- É unha condición adquirida benigna asintomática pouco común de patoxénese descoñecida.
Hereditaria A hiperqueratose epidermolítica (tamén chamada "eritroderma ictiosiforme conxénita bulosa""Freedberg, et al. (2003). Fitzpatrick's Dermatology in General Medicine. (6th ed.). McGraw-Hill. . ou "eritroderma ictiosiforme conxénita bulosa de Brocq"Brocq en WhoNamedIt - 1036) é unha rara doenza da familia da ictiose, que afecta a 1 de cada 250 000 persoas. Produce o agrupamento de filamentos de queratina. A hiperqueratose dixitada minuta múltiple, é unha rara condición cutánea, na cal a metade dos casos son familiares. A hiperqueratose acral focal (tamén chamada "acroqueratoelastoidose liquenoide") é un queratoderma de comezo tardío, herdado como unha condición autosómica dominante, caracterizada pola aparición de pápulas crateriformes ovais ou poligonais que se desenvolven nas beiras das mans, pés e pulsos. A queratose pilar semella similar á pel de galiña, é xeralmente asintomática e pode tratarse humeecendo a pel.
Outras Enfermidade de Flegel(hyperkeratosis lenticularis perstans).- Unha condición cutánea caracterizada pola formación de pápulas coa parte superior plana queratóticas rugosas pardo-amarelas.
En membranas mucosas O termo hiperqueratose utilízase tamén para lesións nas membranas mucosas, como a leucoplaquia. Debido ás diferenzas entre as membranas mucosas e a pel (por exemplo a mucosa queratinizante non ten stratum lucidum e a mucosa non queratinizante non ten esta capa ou normalmente un stratum corneum ou un stratum granulosum, ás veces os textos especializados dan definicións lixeiramente diferentes da hiperqueratose cando falan de mucosas. Exemplos son: "unha excesiva formación de queratina (por exemplo, a observada na leucoplaquia)"Mosby's Dental Dictionary e "un incremento no grosor da capa de queratina do epitelio ou a presenza de dita capa nun sitio onde normalmente non se esperaría."
Notas
Véxase tamén Outros artigos Calo Enfermidade da queratina Enfermidade da pel
Categoría:Dermatoloxía