Pedro Brey Guerra, nado en Rendo (Oca, A Estrada) o 7 de setembro de 1889 e finado no mesmo lugar o 29 de maio de 1967, foi un mestre e fotógrafo galego.La Noche, 31-5-1967, p. 6.
Traxectoria Fillo de Manuel Brey Barcala (1846-1923), mestre e propietario na parroquia de Oca, e Juana Guerra Fernández. Foi o sexto fillo nunha familia de sete irmáns. A súa nai faleceu en 1900 en Santiago de Compostela, e Pedro trasladouse a Noia baixo a tutela da súa tía Genoveva Guerra, tamén mestra. Pronto regresou a Oca co seu pai que morreu en 1923. Estudou maxisterio e foi nomeado mestre interino da escola de Arnois en outubro de 1913, ocupando o posto de seu pai. Dende xaneiro de 1916 foi mestre en propiedade desa escola por oposición.
Aprendeu de forma autodidacta a técnica fotográfica e cuns 17 anos escribiu uns apuntamentos onde resumía “o método para copiar a natureza e facer retratos cunha máquina en poucos minutos e con gran exactitude”. Como fotógrafo afeccionado documentou o seu contorno humano: familiares, amigos e paisanos. Fixo fotografías dende a súa xuventude até o nacemento da súa primeira neta, a mediados dos anos cincoenta cando postergou a súa afección.
Vida persoal Casou en Santiago de Compostela con Purificación Álvarez Rico en xuño de 1917.El Eco de Santiago, 25-6-1917, p. 2.
Notas
Véxase tamén Ligazóns externas Pedro Brey Guerra Biografía na Real Academia de la Historia
Categoría:Profesores de Galicia Categoría:Fotógrafos de Galicia Categoría:Nados na Estrada Categoría:Nados en 1889 Categoría:Finados en 1967 Categoría:Personalidades de Galicia sen imaxes